निस्तार–चाडको प्रेम, जीवन बचाउने प्रेम १,३०३ औँ विश्वव्यापी रक्तदान अभियान

परमेश्वरको मण्डली विश्व सुसमाचार समाज इमाडोलद्धारा निस्तार–चाडको प्रेम, जीवन बचाउने प्रेम १,३०३ औँ विश्वव्यापी रक्तदान अभियान आयोजना भयो । संसारमा रगतको अभावमा एक जना मानिस पनि नमरुन भन्ने उद्देश्यका साथ आज सोमबार ललितपुरको सानागाउँ अवस्थित सिद्धिपुर पार्टी प्यालेसमा विहान ११ बजे उक्त कार्यक्रम आयोजना भएको हो ।
कार्यक्रममा अतिथीहरुका रुपमा पूर्व डीआईजी, सांसद तथा नेकपा एमाले वागमती प्रदेश कमिटीका सचिव नवराज सिलवाल, महालक्ष्मी नगरपालिकाका उप–प्रमुख लक्ष्मी महर्जन आमन्त्रित हुनुहुन्थ्यो । त्यस्तै अरु अतिथीहरुमा जिल्ला समन्वय समितिका उप–प्रमुख रामलाल थिङ, जिल्ला बचत संघका अध्यक्ष रामहरी बजगाईँ, महालक्ष्मी नगरपालिका वडा नं.१ का वडाअध्यक्ष छिरिङ लामा, महालक्ष्मी नगरपालिका वडा नं. ६ का वडासदस्य सुशान महर्जन तथा वी लभ यू फाउण्डेसन नेपालका अध्यक्ष किशोर साम्होहाङ लगायत अन्य दिग्गज व्यक्तित्वहरुको बाक्लो उपस्थिती रहेको थियो ।