Скачать или смотреть خالد بن حزمي | لاد الشعيثي - كلمات ناصر بن جاري المعاوي

حفل زواج وليد بن حامد ال جوزان المعاوي -

عند ال جوزان منزال الضيوف الصدور
يا مرحبا عد ما غطى السحاب البدر

ترحيبة معاوية والعود الازرق يدور
يلقى بها الضيف توقير ومقام وقدر


ـ
قصيدة الشيلة 👇🏻

طواري الفكر يوم الليل نصفه سرا
اثباتها محتمل وانكارها محتمل

بين الرخا والقسا والبيع والمشترى
تمكَّن الياس بين الناس لولا الامل

يا مالك الملك يا منزل الف لام را
عِنا على ذكرك وشكرك وحسن العمل

اللي على الحق خطه يكتب وينقرا
يعيش جاهه نزيه وملبسه ما سَمِل

لا وقف العلم والحبل القطيب انفرى
للخيل خيال والحمله تحتها جمل

في شان ربعي مانيب اصد و ارجع ورى
والكامل الله وغير الله ما احدٍ كمل

اورد الضامية واللي ما يدري درى
ما البس بيوتي الا بشت شيخة شمل

صفت سرا ندر الابيات صفت سرا
بنيانها مكتمل وشعورها مكتمل

بعض الرياجيل بين اهل المدن والقرى
طاريه لو جاء على الجرح العميق اندمل

اقولها يا وليد وللجموع جهرا
النعم صوبك وصوب ابوك ساق الزمل

يطري ليا من طرى حامد ما بين البرى
الشامخ من العرب والنادر من العُمل

ما ورَّث عجير بن جوزان هرج و مِرا
ورَّث مراجل وفعل وطاريٍ ما خمل

لاد الشعيثي نهار رِد فيه البرا
محازم لا احتمى الميقاف ما تنهمل

معاوية للغروس وللمطايا ذرى
حدودنا دونها ما يصمل اللي صمل

عدونا ما اهتنت عينه بحلو الكرا
يا مل عينٍ نذر الكحل فيها يا مل

لا شح كف الزمن والقل حكمه جرى
فقيرنا فالكرم لا يتعب ولا يمل

تقول ما كنه يجاهد حياة الزرا
يفني غوالي حلاله كنه يفني همل

تكسب يدين السخا طاله ومدح شعرا
والبخل راعيه يهرم ويهرى ما جمل

الناس فالطيب وجزال العلوم خشرا
والفرق يظهر ليا من زاد ثقل الحمل

في ساعة الضيق لا منه طرى ما طرى
‏الفعل كثر الذهب والهرج كثر الرمل ..