Скачать или смотреть NSPC 2020 Byaheng Tuguegarao - Buntun Bridge at Pancit Batil Patong

Music: Sunny
URL: https://icons8.com/music/
https://icons8.com/music/author/ilya-...


Sa aming pag-iikot sa lungsod ng Tuguegarao, natunghayan namin ang uri ng pamumuhay mayroon ang mga tao rito. Karamihan sa mga taong nakasalamuha namin ay simple, matulungin, at masayahin. Ang buong siyudad, katulad ng maraming siyudad sa Pilipinas, ay nasa pagitan ng pag-unlad at pagpapanatili ng kultura at kasaysayan.

Isang lumang siyudad ang Tuguegarao. Naitatag ang bayang ito noong 1604 pa at naging ganap na siyudad dalawampung taon lang ang nakararaan. Patunay ang makikitid na mga kalsada nito na tila nagsasabing, hindi inaasahan ng mga namumuno rito nuon na isang araw, magiging isang progresibong lungsod ang Tuguegarao. Kaya, karamihan sa mga daan dito ay one-way lamang.

Maari ring tawaging University Town ang Tuguegarao dahil sa maraming unibersidad na matatagpuan sa lungsod. Nariyan ang Cagayan State University, University of Cagayan Valley, St. Paul University, at St. Louis University. Ang mga ito marahil ang nagpabilis ng pag-unlad ng Tuguegarao.

Sa gitna ng pag-usad ng ekonomiya ng Tuguegarao, hindi naman napapabayan ang mayamang kasaysayan nito. Sa centro mismo ng ng lungsod ay nagsisilbing bantayog ng kasaysayan ang mga lumang estruktura at mga simbahan katulad ng Stone Chapel of St. Hyacinth at ang napakaganda at napakamakasaysayang St. Peter Metropolitan Cathedral o ang Tuguegarao Cathedral. Ang pagpapanitili ng angking ganda nito ay patunay sa tatag ng pananampalataya ng mga Tuguegaraoeños.

At siyempre, hindi-hindi pwedeng palampasin ang pagbisita sa ipinagmamalaki ng mga taga-Tuguegagarao. Kaya tinahak namin ang kalsada papuntang Buntun kung saan matatagpuan ang pinakamahabang tulay sa Pilipinas na ang ipinagdurugtong na kalupaaan ay napapagitnaan ng ilog. Ipinanagdurugtong ng Buntun Bridge ang Tuguegarao sa bayan ng Solana at iba pang karatig bayan nito sa Cagayan Valley Province.

Ayon pa sa mga kwento, nailalarawan ang haba ng Buntun Bridge sa pamamagitan ng ating Pambansang Awit. Kung kakantahin mo raw ang Pambasang Awit habang naglalakad mula sa isang dulo ng tulay, mararating mo ang kabilang dulo kasabay ng pagbigkas mo sa huling linya ng Pamabansang Awit.

Kahit saang kanto sa Tuguegarao ay makakahanap ka ng panciteria na nagse-serve ng Pancit Batil Patong. Katunayan, may higit sa 150 panciteria ang nagkalat sa buong Tuguegarao. Napag-alaman namin na ang espesyal na ingredient meron ang Pancit Batil Patong ay giniling na karne ng kalabaw. Paborito ito ng mga taga-Tuguegarao at ipininagmamalaki naman nila sa mga bisita.

Pinaikli man ng Novel Coronavirus Scare ang aming pag-iikot sa Tuguegarao, ngunit sa maikling pananatili namin dito, naramdaman namin ang pag-aalagang Tuguegaraoeño. Maraming Salamat, Tuguegarao! Hanggang sa muli!

My name is Ayel and I am very proud to be Living in the South!

#NSPC2020 #WowTuguegarao