Скачать или смотреть شيلة جو الرياض

جو الرياض بغيبته صايراً غير
هذي الحقيقة كان تبغا الحقايق

القلب يامحمد طوته المشاوير
منساق في وقته على غير لايق

البارح ياخوك حزن وتفاكير
مهموم والدنيا هموم وعوايق

تدري لو إنه حس في حالي الطير
يبكي حزن من ضيقتي ويتضايق

أدري كلامي فاق كل التصاوير
بس الصحيح البال ماهوب رايق

تخنقني العبره مثل طفلن صغير
من غابت أمه شاف ضيم الخلايق

وأبوه مبطي قد خذته المقادير
وجده ضرير وعاقبته العوايق

حاله تردت من رداة التباشير
والعمر راح ويمه الموت وايق

هذي حياتي يارفيق المناعير
من غاب خلي صرت للمر ذايق

وجو الرياض في غيبته صايرن غير
هذي الحقيقه كان تبغى الحقايق

ان كان لي عنده معزه وتقدير
يشوف حالي عقب طول الطرايق

مهوب حق يغيب من دون تبرير
ويترك عشيرة في زمانه غلايق

ماقصدي حاجه بس ياجعله بخير
ويعيش عمره دووووم والبال رايق