Скачать или смотреть ინტერVIEW - გაუპატიურების და ძალადობის საფრთხე უფრო მაღალია, ვიდრე ომებით შექმნილი საშიშროება

24 ნოემბერი, 2016
• 5 ნოემბერი ქალთა მიმართ ძალადობის აღმოფხვრის საერთაშორისო დღეა, ჩვენი გადაცემა ამ თარიღს ეხმიანება და ესაუბრება ანა აბაშიძეს - იურისტს, სამოქალაქო უფლებების დამცველს, გენდერის საკითხების სპეციალისტს.
• გაუპატიურების და ოჯახში ძალადობის საფრთხე, რომელიც მსოფლიოს გარშემო მცხოვრებ 15-დან 44 წლამდე ასაკის ქალებს ემუქრება, უფრო დიდია, ვიდრე კიბოს დაავადებით, ავტოავარიებით, ომებით თუ მალარიით შექმნილი საშიშროება.
• მსოფლიოს მასშტაბით, საშუალოდ სამიდან ერთ ქალს აქვს გამოცდილი ფიზიკური და/ან სექსუალური ძალადობა - რა ინტენსივობისაა და როგორ ვლინდება ძალადობის საფრთხე, რომლის წინაშეც საქართველოში მცხოვრები ქალები დგანან?
• რა კულტურული, ფსიქოლოგიური, სოციალური ფაქტორები უბიძგებს კაცებს ქალებზე ძალადობისკენ?
• რამდენად სწორია გავრცელებული კლიშე, რომ ძალადობას უფრო ხშირად დაბალ სოციალურ ფენებში ვაწყდებით?
• "მსხვერპლი ქალების" ტრადიციული ნარატივებისა და ქალთა მკვლელობების შესახებ ტრაგიკული სიუჟეტების გარდა, კიდევ რა უნდა გააკეთოს მედიამ ამ მწვავე პრობლემის აქტუალიზაციისთვის?
• რატომ ვერ ხედავს სახელმწიფო სიძულვილის მოტივს ტრანსგენდერ ქალებზე ძალადობის შემთხვევებში?
• ხომ არ ხდება ისე, რომ ქალთა მიმართ ძალადობის პრობლემა მხოლოდ არასამღავრობო ორგანიზაციების დისკურსის ჩარჩოებში ჩაიკეტა და დისკუსია მხოლოდ ერთ განზომილებაში, სპეციფიკური ტერმინოლოგიით მიმდინარეობს?
წამყვანი: სალომე ასათიანი.