Скачать или смотреть شيلة زواج مهند النوفل (٢)

شيلة مهداة لـ "مهند بن فاهد بن عبدالعزيز النوفل"
بـ مناسبة زواجه المُبارك

كلمات الشاعر/
حازم بن فاهد النوفل.

أداء/
عبدالعزيز بن فاهد النوفل.
أحمد بن إبراهيم الشايع.

شُكر خاص لمبدعين هذا العمل🌷

نص القصيدة:



حان وقت الشعر وسمان القصايد
زان جرّ الصوت بـ جزال الفرايد
كان لي حرّ الهدد صايد وفايد
ليلنا ساري ونيرانه ضرايم

ليلةٍ ما مثلها بـ كلّ الليالي
يوم طرّوها طرى لي ما طرى لي
جيت انا والقاف ندحم ما نبالي
مالنا في هالمجي والله لايم

يا هلا يا مسهلا باللي لفونا
لا دعيناهم ما ولّو وإخلفونا
عن جميع الخلق والعالم كفونا
حظّنا في شوفهم ذا اليوم قايم

مرحبا في ليلة الغالي مهنّد
والفرح ضلعٍ متينٍ ما يفنّد
فالقلوب البيض شامخ ما يسنّد
أقبل إقبال السحايب والغمايم

سيفنا مهنّد على طاغي عدانا
نِشهره لا جا اللزوم ولا يتوانا
المجنّا يِزبنه حامي حمانا
ويبشر بـ عزّه ولا يذوق الظلايم

هو ولد مِن ما عرف طعم الخساره
فاهد اللي فالمراجل شبّ ناره
شيخٍ مومّر وتزهاه الأماره
عن دروب أهل الردى قاصي وشايم

جدّه السَّبع الذي ما يهزمونه
لو تِلمّ جموعهم ما يقدرونه
عزّنا عبدالعزيز اللي يجونه
ناويين الشر عادوا بالهزايم

جدّه الثاني سَعد سِعد الجماعه
الكريم الوافي اللي بالشجاعه
ثابت الخطوة وطايلةٍ ذراعه
راعي الخيرات كسّاب الغنايم

والله إن عمّانه اللي بالمراجل
ماخذين من النِعم عاجل وآجل
ماحدٍ في طيبهم يقدر يساجل
هم هل الطالات راعين العزايم

ووالله إن خواله قروم الشهامه
يحملون أسمى تعاريف الكرامه
عنتر وسالم وأبو زيدٍ سلامه
لا نوو شيءٍ ما عادوا بالغرايم

ربعه النوفل مزبّنة الجلاوي
المطانيخ الكفو بعاد الهقاوي
حظّ من للنوفلي قُبله مخاوي
للصدور دروع ولـ الروس العمايم

جعل ربي يكثر رجال النوافل
والله إني دونهم زامل وجافل
لا لفو قِدْمي سليت وصرت غافل
عن جميع الهم جفني راح نايم

يا بني نوفل يا عذبين السجايا
ما تهابون المصاعب والمنايا
مثل ابن جلا وطلّاع الثنايا
من نصى النوفل ما والله عاد ضايم

يا ذوي حسين الهواشم حيّ والله
طاهر النسل المشرّف والله الله
جدّكم خير البشر مرسل من الله
ربعي الأشراف عزّ القوم دايم

ارحبو يا حرب يا فخر القبايل
فيكم اونيان من خير العوايل
النِعم والطيب وكثار الجمايل
فالأونيان أبرقت والجو غايم

نِعم جار ونِعم صِهر ونِعم خوّه
الأونيان الحروب أهل المروّه
ذاك عز وذاك طيب وذيك قوّه
راشدٍ في مدحهم ماني بـ هايم

مرحبا يا مرحبا وإِكمل فرحنا
في قصور الجوهرة جِلّي ترحنا
إجتمعنا وإنبسطنا وإنشرحنا
والتّقي يفطر عقب ما كان صايم

الله يتمّم على مهنّد زواجه
ولا تحوجه يالولي لـ أدناة حاجه
كنه ذا الليله ملك يعلوه تاجه
فالسماء حايم وفأقصى البحر عايم