Ogw’okutta Katanga, ab’oludda oluwawaabirwa basoyezza Nyangwesho ebibuuzo

Olwaleero okuwulira omusango gw'okufa kwa Henry Katanga kuzzeemu okutojjera mu kkooti enkulu ng'oludda oluwawaabirwa lusoya omujulizi wa gavumenti Naume Nyangwesho ebibuuzo okusobola okuyiwa amazzi mu bujulizi bwe yawa ku bantu be bawolereza. Nyangwesho ono mwannyina w'omugenzi Henry Katanga era nga mu bujulizi bwe yawa wiiki ewedde yategeeza nti omugenzi yali yamutegeezako dda nga namwandu Molly Katanga bw'alina ebigendererwa ebimumiza omusu. Ba puliida ba Molly Katanga bino babisambazze nga bagamba nti Nywagwesho ono byayogera ate teyabissa mu sitatimenti eyamuggyibwako poliisi mu kunoonyereza ku musango guno.Bano tebabadde basanyufu olw'omukyala ono okusalawo okuwa obujulizi mu lulimi Olunyankore kyokka nga kiri ku likodi nti oluzungu afuuwa-lufuuwe kubanga alina n'ekifo ky'obukulembeze mu kyalo Bugoloobi gy'awagaliira.

#NTVNews #Akawungeezi

For more news visit http://www.ntv.co.ug
Follow us on Twitter   / ntvuganda  
Like our Facebook page   / ntvuganda