Скачать или смотреть မြဝတီတောင်ဘက် မင်းလက်ပံရွာမှာ တိုက်ပွဲဖြစ်နေ | People's Spring

မြဝတီတောင်ဘက် မင်းလက်ပံရွာမှာ တိုက်ပွဲဖြစ်နေ

နိုဝင်ဘာ-၂၂၊ ၂၀၂၅။ People's Spring

ကရင်ပြည်နယ်၊ မြ၀တီမြို့တောင်ဘက် ထိုင်း-မြန်မာနယ်စပ်က မင်းလက်ပံကျေးရွာထဲကို စစ်ကြောင်းထိုးလာဖို့ ကြိုးစားနေတဲ့ စစ်ကောင်စီတပ်နဲ့ KNLA တပ်မဟာ(၆)တော်လှန်ရေးပူးပေါင်းတပ်တို့အကြား ဒီနေ့ မနက်ပိုင်းက တိုက်ပွဲတွေ ဆက်ဖြစ်နေတယ်လို့ ကရင်သတင်းရင်းမြစ်က ပြောပါတယ်။

နိုဝင်ဘာ၂၁ရက် မနေ့ကစပြီး မြ၀တီမြို့နယ်၊ မြ၀တီ-ဝေါ်လေ လမ်းမပေါ်က အင်ကြင်းမြိုင်ကျေးရွာကနေ မင်းလက်ပံကျေးရွာဘက်ကို စစ်ကြောင်းပြန်ထိုးလာတဲ့ စစ်ကောင်စီတပ်နဲ့ ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၆)ဦးဆောင်တဲ့ တော်လှန်ရေးပူးပေါင်းတပ်တို့ဟာ မင်းလက်ပံရွာထဲမှာ တိုက်ပွဲဖြစ်ပွားပါတယ်။

ဒီနေ့ မနက် ၈ နာရီကျော်ကစလို့ နှစ်ဖက်တိုက်ပွဲတွေ ဆက်ဖြစ်နေပြီး တိုက်ပွဲနှစ်ရက်တာအတွင်း စစ်ကောင်စီတပ်ရဲ့ လက်နက်ကြီးပစ်ခတ်မှုကြောင့် မင်းလက်ပံကျေးရွာက တရုတ်ကျားဖြန့်ဆိုက်ထဲကို လက်နက်ကြီးတွေကျရောက်ပေါက်ကွဲခဲ့တယ်လို့ ကရင်သတင်းရင်းမြစ်က ပြောပါတယ်။ အဲဒီပေါက်ကွဲမှုမှာ သုံးဦး ထိခိုက်မှုရှိခဲ့တယ်လို့ ဆိုပါတယ်။ မင်းလက်ပံရွာ တိုက်ပွဲအတွင်း စစ်ကောင်စီတပ်ဘက်က အထိနာနေတယ်လို့လည်း ကရင်သတင်းရင်းမြစ်က ပြောပါတယ်။

မြ၀တီ-ဝေါ်လေ လမ်းပိုင်းတလျှောက်ကို ပြန်လည်ထိန်းချုပ်နိုင်ဖို့ စစ်ကောင်စီတပ်က အင်ကြင်းမြိုင်ရွာကနေတဆင့် စစ်ကြောင်းထိုးလာသလို ထီးမယ်ဝါးခီးနဲ့ ရသေ့ဂူရွာဘက်ကနေလည်း စစ်ကြောင်းထိုးနေတာဖြစ်ပါတယ်။

မြ၀တီမြို့တောင်ဘက်ခြမ်း ထိုင်း-မြန်မာနယ်စပ်နားမှာရှိတဲ့ မင်းလက်ပံကျေးရွာဟာ ဒီမိုကရေစီအကျိုးပြုကရင့်တပ်မတော်(DKBA)တပ်ဖွဲ့ ထိန်းချုပ်တဲ့ ရွာတစ်ရွာဖြစ်ပြီး အဲ့ဒီကျေးရွာထဲမှာ တရုတ်ကျားဖြန့်လုပ်ငန်းတွေ အများအပြားရှိတယ်လို့ သိရပါတယ်။

မင်းလက်ပံတိုက်ပွဲကြောင့် ဒေသခံရွာသူရွာသားတွေ ဘေးလွတ်ရာနေရာဆီ ထွက်ပြေးတိမ်းရှောင်နေခဲ့ရပြီး ဆောင်းတွင်းကာလရောက်ရှိလာပြီဖြစ်တာကြောင့် စစ်ဘေးရှောင်တွေအတွက် အနွေးထည်နဲ့ စားနပ်ရိက္ခာအကူအညီတွေ လိုအပ်နေတယ်လို့လည်း စစ်ရှောင်အရေးကူညီပေးနေသူတွေက ပြောပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA