Uşaqların qrip virusundan qorunması və müalicə metodları | Dr. Kənan Qarayev

Həkim-Pediatr Dr Kənan Qarayev
Tel: 050 587 18 48
Facebook:   / pediatr.usaqhekimi  
İnstaqram:   / dr.kenan_qarayev  

Qrip virusun yaratdığı bir çox xəstəliklərdən biridir. Oktaybr- May ayları qrip mövsümüdür. Xəstəlikdən qorunmağın təməlində qidalanma durur ki, C vitamini ilə zəngin qidalar verərək uşaqların bədən müqavimətlərini artıra bilərik. 6-7 yaşına qədər olan uşaqlarda immunitet sistemi tam formalaşmadığı üçün onları xəstəliklərdən tam qorumaq mümkün deyil. Bu yaşda uşaqlar qış mövsümündə 7-8 dəfəyə qədər qrip ola bilərlər ki, bu normal haldır. 1 yaşın altı uşaqlarda ilk gündə bədən hərarəti bir neçə dəfə kəskin yüksəldikdə həmən həkimə müraciət etmək lazımdır. 1 yaşın üstü uşaqlarda isə 3 gündən artıq davam edən qızdırma zamanı həkimə müraciət edilməlidir. Hərarət salıcı dərmanların dozası uşağın çəkisinə uyğun hesablanır. Dərmanların təsiri 20-ci dəqiqədən başlayıb 2 saata qədər davam edir. Dərman verdikdən sonra, hərarət düşmədikdə fiziki üsullarla hərarəti salmağa çalışmaq lazımdır. Su ilə bədən büküş nahiyələrini silmək, ilıq su ilə duş qəbul etdirməklə bədəndə buxarlanmanı artıraraq bədən hərarətini salmaq olar. 38 – 38.5 temperaturada qorxmaq lazım deyil, 38.5-i keçdikdə qeyd edilən prosedurları tətbiq etmək lazımdır. Virusların törətdiyi xəstəliklərdə uşaqlara antibiotik verilməsinin heç bir mənası yoxdur. Vitamin və yaxud da polivitaminlərin heç biri xəstəlikdən qoruya bilmir (C vitamini xaric). Təbii balıq yağları uşaqların sinir sisteminin inkişafını, zehni inkişafı tənzimləmək üçündür, xəstəliklərdən qorumaq kimi funksiyası yoxdur.