Скачать или смотреть I Voci di a Gravona - L'altu silenziu

Eccu a prima virsioni di sta billissima canzona di i Voci di a Gravona.

L'ALTU SILENZIU

Quand'ellu spunta lu soli
Da li cimi imaculati
È chi d'ogni fumaccioli
I monti sò spurgulati
Dui muvri soli soli
Insemi sò attippati

In la terra di l'altu silenziu eiu sò natu
À fà u viaghju supranu eiu ti chjamu

Fianc'à fiancu è pianu pianu
Ripiglianu l'alturaghja
Da li valli di lu Manganu
Sin'à la Sera Cimaghja
Versu l'eternu supranu
Quellu di l'alta nivaghja

In la terra di l'altu silenziu eiu sò natu
À fà u viaghju supranu eiu ti chjamu

Correnu nantu i pianuri
Mille fiumicelli chjari
L'acellu cogli l'annuri
È chjama li so cumpari
Mez'à l'elpe di verduri
Pasci l'agnellu in li sari

In la terra di l'altu silenziu eiu sò natu
À fà u viaghju supranu eiu ti chjamu

À lu cori di lu nivaghju
In la conca di friscura
Nasci lu fiori di maghju
Si spechja in l'acqua pura
Chì u muntesi in viaghju
Veni è frisgia in burdura

In la terra di l'altu silenziu eiu sò natu
À fà u viaghju supranu eiu ti chjamu