Скачать или смотреть KAMATI YA SIASA MKOA WA LINDI YARIDHISHWA NA UTEKELEZAJI WA MIRADI YA MAENDELEO.

Kamati ya Siasa ya Mkoa wa Lindi, leo, Mei 08,2025 imetembelea na kukagua miradi ya maenendeleo kuona namna ilani ya Chama hicho inavyotekelezwa katika Halmashauri ya Manispaa ya Lindi.

Kamati hiyo ikiongozwa na Mjumbe wa
Halmashauri Kuu ya CCM Taifa, Cde. Daudi Msungu imeridhishwa na hatua za utekelezaji wa miradi ya maendeo waliyoitembelea ambayo ipo katika hatua mbalimbali za utekelezaji na mingine imekamilika na kuanza kutoa huduma kwa wananchi.

Miradi iliyotembelewa ni upanuzi wa mradi wa Maji Kilangala,ujenzi wa Zahanati Kilangala,ujenzi wa shule ya Msingi ya ghorofa Likong'o, ujenzi shule mpya ya Sekondari Hamida Alkassim iliyopo kata ya Rasbura pamoja na ukarabati wa shule mpya ya mkondo mmoja shule ya Msingi Stadium.

Msungu amesema miradi hiyo inaonesha dhamira ya dhati ya Serikali ya awamu ya sita ya kupeleka maendeleo kwa Wananchi kupitia miradi inayogusa maisha yao moja kwa moja huku akipongeza usimamizi mzuri unaofanywa na viongozi wa Halmashauri ya Manispaa ya Lindi na kusisitiza kuwa utekelezaji wa miradi unapaswa kuendana na thamani ya fedha inayotumika.

Aidha, amewahamasisha Wananchi wa Manispaa ya Lindi kushiriki kikamilifu katika zoezi la uboreshaji wa taarifa zao kwenye Daftari la Kudumu la Wapiga Kura awamu ya pili litakalofanyika Mei 16 hadi 22, 2025, ambapo amesema hatua hiyo ni muhimu kwa ajili ya ushiriki wao katika mchakato wa kidemokrasia.

Nao Wananchi walioshiriki mapokezi ya ziara hiyo Kwa kata mbalimbali ambazo kamati hiyo imepita kukagua utekelezaji wa ilani ya Chama Cha Mapinduzi (CCM) wameonesha furaha na kupongeza juhudi za serikali na chama katika kuhakikisha huduma muhimu zinawafikia, huku wakiahidi kuendelea kushirikiana na serikali katika kutekeleza miradi ya maendeleo.