Peppino Di Capri - Nun è peccato

Peppino Di Capri - Nun è peccato
(di Calise - C.A. Rossi - Birga)

Si mme suonne 'int' 'e suonne che faje
Nun è peccato.
E si 'nzuonno nu vaso mme daje
Nun è peccato.

Tu mme guarde cu st'uocchie 'e passione,
Io te guardo e mme tremmano 'e mmane.
Ma si chesto pe' te nun è bene
Mme saje dicere 'o bbene che d'è?

Si 'sta vocca desidera 'e vase
Nun è peccato.
Ma vestímmolo 'e vita stu suonno
Che 'a freva ce dá.

E tu abbràcciame
Cchiù forte astrìgneme,
Pecché 'ammore ca siente pe' me
Peccato nun è.

Si 'sta vocca desidera 'e vase
Nun è peccato.
Ma vestímmolo 'e vita stu suonno
Che 'a freva ce dá.

E tu abbràcciame
Cchiù forte astrìgneme,
Pecché 'ammore ca siente pe' me
Peccato nun è.