مرثية الامير عبدالرحمن بن عبدالعزيز " وش عاد باقي "

مرثية من كلمات صاحب السمو الملكي
الامير / سعود بن عبدالرحمن بن عبدالعزيز
في والده صاحب السمو الملكي الامير / عبدالرحمن بن عبدالعزيز آل سعود رحمه الله
*
وش عاد باقي من بعد عبدالرحمن
يا غبن عيني من عظيم الخساير
ابوي ابو تركي سلايل كحيلان
من هول موته صرت مذهول حاير

احب راسه بالكفن كلي ايمان
يسيل دمعي ليت اقوى اكابر
وقفت اطالع بالكفن كلي احزان
ولا عاد اقوى كف دمع وعباير

يا ليتني افديه من عمري ازمان
واموت قبله واسبقه للمقابر
يالله دخيلك انت غافر ومنان
ارفع مقامه في جنانٍ نظاير

بالزهد عاش ومات فخرٍ للاوطان
افنى شبابه بين جند وعساكر
شديد باس ولا حشا يوم قد لان
يضرب عدوه لين يبكي حساير

والله يقوي سيد الجود سلمان
فرقى خوانه صعب ولكنْه صابر
وش عاد باقي من بعد عبدالرحمن
يا غبن عيني من عظيم الخساير
.
.
اداء والحان / رامي عبدالله