Скачать или смотреть பட்டுப்புழுக்கள் கொடுப்பதால் மகசூல் பாதிப்பு

#உடுமலையில் தரமற்ற பட்டுப்புழுக்கள் கொடுப்பதால் #மகசூல் பாதிப்பு - விவசாயிகள் புகார்
#திருப்பூர் மாவட்டம் உடுமலை சுற்றுவட்டார பகுதிகளில் சுமார் 2000 ஏக்கர்க்கு மேல் விவசாயிகள் மல்பெரி பயிரிட்டு பட்டுக்கூடு உற்பத்தி செய்து வருகின்றனர். இந்நிலையில் வெண் பட்டுக்கூடு உற்பத்திக்கு அரசு அதிகாரிகள் எந்த ஒரு ஆலோசனையும் வழங்கப்படாத காரணத்தாலும் தரமற்ற பட்டு புழுக்கள் கொடுப்பதாலும் மிகவும் விரக்தி அடைந்து மல்பெரி செடிகளை வேருடன் பிடுங்கி அழித்து வருகின்றனர்.

இதுகுறித்து வெண்பட்டு விவசாயிகள் கூறியதாவது

உடுமலை பகுதியில் வெண் பட்டுக்கூடு உற்பத்திக்கான சீரான பருவநிலை இங்கு நிலவி வருவதால் அதிகளவு விவசாயிகள் வெண்பட்டு கூடு உற்பத்தி செய்து வருகின்றோம். இந்நிலையில் பட்டு வளர்ச்சித் துறை மூலம் முட்டை வழங்கப்பட்டு அதிலிருந்து வெண்பட்டு உற்பத்தி நடைபெறுகிறது. ஆனால் முட்டையிலிருந்து புழுக்கள் உற்பத்தி செய்வது மற்றும் ஒரு வாரகாலம் பராமரிப்பு செலவு செய்வது கடினமான பணியாகும் ஆகையால் அரசாங்கம் ஆங்கிராம் பெற்ற இளம்புழு வளர்ப்பு மையங்களில் இருந்து இளம் பூழுக்களை கொள்முதல் செய்து பட்டு வளர்ப்பில் ஈடுபட்டு வருகின்றோம்.

ஆனால் கடந்த சில மாதங்களாகவே இளம்புழு வளர்ப்பு மையங்களில் இருந்து வாங்கி வளர்க்கும் புழுக்கள் அதிகளவு நோய் தொற்று ஏற்படுகிறது நோய் உள்ளிட்ட நோய்களினால் அதிகளவில் இழப்பு ஏற்படுகிறது ஆனால் நோய் தாக்குவதைத் தடுக்க அதிகாரிகள் உரிய ஆலோசனைகளை வழங்குவது இல்லை. முறையாக பராமரிக்க வில்லை என்று விவசாயிகள் அதிகாரிகள் மீது குற்றம் சாட்டுகின்றனர் மேலும் இடுபொருட்கள் ஆள் கூலி உள்ளிட்டவை பல மடங்கு உயர்ந்து விட்டது ஆனால் போதிய விலை கிடைக்காத நிலையே தொடர்ந்து நீடிக்கிறது.

இதனால் தொடர்ச்சியாக இழப்பை சந்திக்கும் நிலை ஏற்பட்டு வருகிறது இதனால் வேறு வழியில்லாமல் மல்பெரி செடிகளை வேருடன் பிடுங்கி அழித்து வருகிறோம். அந்தவகையில் சின்னவீரம்பட்டி பகுதியில் மட்டும் கடந்த சில மாதங்களில் 15 ஏக்கருக்கும் மேல் மல்பெரி செடிகள் அளிக்கப்பட்டுள்ளது. இதேபோல சுற்றுவட்டார பகுதிகளில் பல இடங்களில் மல்பெரி செடிகளை அழித்து விட்டு மாற்றுப் பயிர் செய்யும் விவசாயிகள் இறங்கி உள்ளனர். இதனால் பல லட்சம் செலவு செய்து கட்டப்பட்ட புழு வளர்ப்பு மனைகள் வீணாகி கிடக்கிறது.

இதே நிலை நீடித்தால் தமிழகத்திலேயே வெண்பட்டு உற்பத்திக்குப் பெயர் போன உடுமலை பகுதி முற்றிலும் முடங்கி விடும் அபாயம் உள்ளது என அதிகாரிகள் அலட்சிய போக்கை கைவிட்டு வளர்ப்பை கண்காணித்து தரமான இளம் புழுக்கள் விவசாயிகளுக்கு கிடைப்பதை உறுதி செய்ய வேண்டும். மேலும் விவசாயிகளுக்கு வேண்டிய தொழில்நுட்ப ஆலோசனைகளை உடனுக்குடன் வழங்க வேண்டும் அது மட்டுமல்லாமல் வெண்பட்டு கூடுகளுக்கு ஆதார் வழியாக ரூ.500 நிர்ணயித்து அரசே கொள்முதல் செய்ய வேண்டும் என உடுமலை பகுதி விவசாயிகள் வேதனையுடன் கோரிக்கை விடுத்துள்ளனர்.