Taksilərlə bağlı yeniliklər əks-effekt verir?

Bir axşam taksidən düşüb payıza, bilmədik haraya, hayana gedək? Bu gedişlə nəinki payıza düşmək, hətta evimizə və ya işə getmək üçün də taksini çox axtarmalı olacağıq. İyulun 1-i gəlməmiş taksilərdə qiymətlər qalxdı. Əslində, heç kim rəsmən deməmişdi ki, qiymətlər iyulun 1-dən qalxacaq. Amma taksilərə qoyulan yeni tələblərlə bahalaşmanın olmaması mümkün deyil. Məsələn, istehsal tarixi 8 ildən yuxarı olan avtomobillər artıq taksi kimi fəaliyyət göstərə bilməyəcək. Bu o deməkdir ki, taksilərin sayı azalacaq. Say azalırsa, deməli, qiymət də qalxmalıdır. Tələblər olduqca sərtdir. İmtahan, sertifikat, icazə sənədi və daha nələr. Yəni artıq hər avtomobil sahibi taksi sürücüsü ola bilməyəcək. Taksi sürücüləri ilə bağlı neqativ hadisələri nəzərə alsaq, olduqca mühüm addımdır. Amma paytaxtın ictimai nəqliyyat sistemini nizamlamamış bu dəyişikliklərə gedilməli idimi? Hər halda gedildi. Rəsmi qurumların bu gedişi sərnişinlərin gedişini təəssüf ki, nəzərə almadı.


Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet