Скачать или смотреть IFM LOCAL NEWS | KAMPANYA KONTRA ILLEGAL LOGGING, TUTUTUKAN NG PRO 2

Cauayan City - Mas paghihigpitin at paiigtingin pa ng Police Regional Office 2 ang kanilang kampanya kontra illegal logging sa buong lambak ng Cagayan.

Ito ang siyang ipinag-utos ni PRO2 Regional Director Police Brigadier General Antonio Marallag Jr. kung saan inatasan nito ang lahat ng Chief of Police sa buong Rehiyon na palakasin ang pakikipag-ugnayan nila sa Department of Environment and Natural Resources.

Ayon sa datos, simula noong buwan ng Enero ngayong taon ay umabot sa P7,845,500 ang halaga ng Ilegal na kahoy na nasabat ng PRO2 kasama ang Regional Operations Division.

Pinakamataas na halaga ng kahoy na nasamsam ay sa lalawigan ng Nueva Vizcaya kung saan umabot sa P3,782,045, na sinundan ng lalawigan ng Cagayan na umabot sa P2,270, 731, Isabela na P1,396,900, Quirino na may nakumpiskang halaga na P359, 739, Batanes na P15,489, at Santiago na umabot naman sa P20,595.

Kaugnay nito, nakapagtala ang PRO2 ng 159 na kaso, 348 na Anti-Illegal Logging Operations kung saan 141 na ang naisampa sa korte, habang 226 na suspek na rin ang naaresto.

Ayon kay PBGEN Marallag, titiyakin nitong hindi titigil ang kapulisan na labanan ang ilegal na aktibidad na ito upang maprotektahan ang kagubatan at kabundukan sa buong lambak ng Cagayan.

#985ifmcauayan
#idol
#numberone
#ifmnewscauayan