Скачать или смотреть عبدالعزيز العليوي ، إهداء إلى الوالد محمد بن علي بن لسود الكبيسي مالك مربط لجميل ( أغاني خاصة )

كلمات الشاعر محمد بن حمد بن اسلوم الكبيسي مهداه الى الوالد محمد بن علي بن لسود الكبيسي مالك مربط لجميل


غناء والحان : عبدالعزيز العليوي
توزيع : أحمد العسال
مكس ماستر : محمد المرزوق



فالغداري ينفقد بدر التمامي
ولا يعيض النجم قومٍ يرقبونه
وان وصفته فيه ما وفى كلامي
في محمد كل مدح يصير دونه
مثل شمسٍ لا انقشع عنها الغمامي
ذاك وجهة ساعة اللي يزهمونه
ما تجهم لا حضر يوم الزحامي
يسفهل وترقب العليا عيونه
لا اقبلت قب الرمك والشوط حامي
وكل صامل موقف اطرافه تخونه
يرتكي في يومها ريش النعامي
من قديم العز ما يجفل زبونه
للجميل ازكى تحيات وسلامي
مربطٍ خلى نواميسه ركونه
لا انشفت الارياق في اليوم الختامي
كن علينا باردٍ رشة مزونه
حقنا نرتاح لو كثرت الاسامي
خيلنا مقدامةٍ ماهي حرونه
خيرة الارسان جبناها ضوامي
ترتوي الناموس ما ترجع بدونه
و(الفهد) لا اختال فيه من الادامي
لفتته والعنق وجفاله ولونه
كنه عفريٍ سمع حس الانامي
فوعته لا ناوش الغربي متونه
وان جلبنا مهرةٍ ماهي تضامي
لا اعرضت يستلهم الشاعر فنونه
ريشةٍ تنسل في يوم العسامي
من بدن طيرٍ تمسك في غصونه
كنها لا شبهرت والراس زامي
اشقرٍ طلعه يحول الحزم دونه
ولا الفحت بالعرف ذكرني هيامي
منظر اللي فك للغالي إقرونه
تلتفت لا انساب لاحقها ملامي
والحذر في نظرة العين الفتونه
الوصايف جات فيها بالتمامي
نظرة اللي كل طيب ينتقونه
جابها والشوط قد فيه احتدامي
ناوي الناموس ما يرجع بدونه