Əli Nasir | Jıqo lol be nibəbe

Ox jıqo lol be nibəbe

Vətəni ğədri bızın, avlodiro hay vətəne,
Dədə qure, balə qofe, dodo laylay vətəne!
Həni çı be nıbe hanqe, jıqo lol be nibəbe,
Hay boştə yurdi bə canqe, jıqo lol be nibəbe!

Ax vətəne, ox vətəne,
Nuri-çəşe, cismi-təne, cismi-təne.
Hay bırəme, hay bıvəme,
Ox jıqo lol be nibəbe.
Jıqo lol be nibəbe,
Ox jıqo lol be nibəbe.

Jıqo lol be nibəbe,
Ox jıqo lol be nibəbe.

Nıbəyon heyve bedən ıştı bəyonən du bedə,
Vəşedən həmmə kiyon ıştı kiyon çəş ku bedə,
Tıni vindəm jıqo dıl sutdə, çəşon ov ru bedə,
Anə dardon dılədə hiç jıqo lol be nibəbe-heeeeey
Anə dardon dılədə hiç jıqo lol be nibəbe.

Peşo votdəm di bəbe,
Anə behol be nibəbe.
Mardonən bəji bə be,
Ox, jıqo lol be nibəbe-heeeeey

Həmə xəlğon jiyedən dıştə vomi, dıştə nomi,
Oxo ım nuperəson hiç qılə hiç ıştı to ni,
Tı hələm ov bedəş əfsus ki bənə ov bə şomi.
Nimə mardə, nimə qardə, jıqo lol be nibəbe-heeeeey
Nimə mardə, nimə qardə, jıqo lol be nibəbe.

Boği səyvon ni bəbe,
Boğ qılə şor bə hi bəbe.
Doonış rə pi bəbe,
Ox, jıqo lol be nibəbe-heeeeey


Xəbə səy ıştı həxe, tarsı çiçe, larzı çiçe,
Xəbə bıstən çı tono bı xonəxo ğarzı çiçe,
Xəbə bıstən çə tono miyonədə ım marzı çiçe,
Həni vəsse xıyə karde, jıqo lol be nibəbəbe-heeeeey
Həni vəsse xıyə karde, jıqo lol be nibəbe.

Iştıku həmmə danə be,
Ovdonə yurdı rınə be,
Avlodonı umjənə be,
Ox, jıqo lol be nibəbe-heeeeey

Kıve çı Atropati, Babəki, Zərdusi sədo,
Kıve çı Lankoni Kaspi, Liki Kadusi sədo.
Kıve çı Ostoro, Masali ə məxsusi sədo,
Bekə boy vanqi Tolış, hiç jıqo lol be nibəbe-heeeeey
Bekə boy vanqi Tolış, hiç jıqo lol be nibəbe.

Oxoy hano si bəbe,
Çəş oxo çanə vi bəbe,
Vətəni soon i bəbe,
Milləti əğlon i bəbe- heeeeey
Jıqo lol be nibəbe-2 kərə

Jıqo lol be nibəbe,
Ox, jıqo lol be nibəbe.
Jıqo lol be nibəbe,
Ox jıqo lol be nibəbe.
Jıqo lol bee ni bə beee,
Ox jıqo lol beeee nibəbeeeeee.

Əli Nasir