Скачать или смотреть شيلة طال ليل مجراته تكافح سوداه 2025 👏 | كلمات بدر مرزوق الشلاحي | اداء خالد ال بريك

طال ليلً مجراته تكافح سواده
والسما كنّها تقرب حدوده حدوده

وادي اسوي نجوم الثريا قلاده
فوق عنق القصيده بالنجوم معقوده

اطرب احيان لاغنا طلال العياده
وامع ابو نوره احياناً على انغام عوده

بين ضيق المزاج وبين كم السعاده
من هنا الشاعر يعايش طقوسه وموده

مايجيب القصيد اللي يجيب الاشاده
غير منهو على الساحه مثبت وجوده

ولايحب المراجل من يحب الوساده
الرياجيل تفعل والفعول محموده

يسري الذيب والرشاش جاهز زناده
ولاترده رماة البدو عن مايروده

من هدفه الصداره والمعالي قناده
مايلد النظر ف اهل النفوس الحسوده

عزة النفس تبلغ بك مقام السياده
الرجل مايدنق لو حموله تكوده

يبرك شعيل ويشيل الحمول بقياده
ويرتكي للثقال ولاتثنى عضووده

من يدنق براسه لاجل ياصل مراده
كنه بـ لاهب الكنه يدور بروده

من هنا المجد والتاريخ هذا شداده
والقحومه دهاته والقبايل شهووده

يالشحابين قول الصدق مثل الشهاده
مجدكم عن تواريخ العرب فيه زوده

يامحمد كسبت الطيب والطيب عاده
يكسبه من يحامي دون سمعة جدوده

ياسلايل حمود ومصلح اهل الرياده
أعلن مؤشر الوقفات معكم صعوده

دون وضحاً عمايمكم عليها قلاده
تسهجون الديار وكل عدً وروده

يشري البل حماويً يسوقه عناده
ماقدرها ضعيفً فاتراتن زنوده

والدويمع على العدوان شر ونكاده
كل خد مع الاجناب تسهج حدوده

دونها عون تستخدم حروب الاباده
ماطمعها من اترز البيارق جنوده

عادة مطير يوم الخصم يسرج جياده
خصمهم من ظهرها يستوي في لحوده

بـدرمرزوق الشـلاحي