Скачать или смотреть ન્યૂયોર્કનાં ગુજરાતી મોટેલ ઓનર જેલની સજાથી બચી ગયાં

ન્યૂયોર્ક સ્ટેટમાં ચાર મોટેલ્સ ધરાવતા પટેલ ગ્રુપના ઓનર 15 વર્ષ સુધીની જેલની સજામાંથી બચી ગયા છે, તેમના પર 3,73,451 ડોલરના રૂમ ઑક્યુપન્સી ટેક્સ તેમજ લેટ ફી ના ચૂકવવાનો આરોપ હતો. પટેલ ફેમિલીના સતીષ પટેલ, કેયુર પટેલ અને દમયંતી પટેલ ઓનનડાગા કાઉન્ટીમાં મોટેલ્સ ધરાવે છે અને તેમણે વર્ષ 2023-24માં ટેક્સ નહોતો ચૂકવ્યો તેવું પ્રોસેક્યુટર ટીમ ફ્રાટેસ્કીએ જણાવ્યું હતું. ગુરુવારે સતીષ પટેલે આ કેસમાં ફોર્થ ડિગ્રી ગ્રાન્ડ લાર્સની એટલે કે ચોરીનો મિસડિમિનર ચાર્જ સ્વીકારીને 3.73 લાખ ડોલરનો બાકી નીકળતો ટેક્સ તેમજ લેટ ફી ચૂકવી દીધા હતા, જેના બદલામાં તેમને જેલની સજા કરવાને બદલે એક વર્ષનો કન્ડિશનલ ડિસ્ચાર્જ આપવામાં આવ્યો છે, મતલબ કે જો તેઓ એક વર્ષ દરમિયાન કોઈ ગુનો નહીં કરે તો તેમને જેલમાં નહીં જવું પડે.