［投資黃金］投資黃金的不同方法（三）| 黃金概念股包括哪些？ | 黃金股與金價走勢的關聯

#投資黃金
#黃金股
#金價上升

之前就分別講咗購買實金，紙黃金同黃金ETF需要注意嘅事項，如果未睇嗰啲嗰兩條片嘅朋友都可以去之前嘅影片度睇返，今日就講埋叧一個投資黃金嘅方法就係透過購買黃金業相關嘅股票啦！
喺度大家先要注意，上集講黃金ETF同購買黃金股係好唔一樣嘅, 黃金ETF係一個追蹤金價走勢嘅交易所買賣基金，而黃金股就係一啲從事黃金相關行業嘅公司嘅股票。
這些公司大致可以分為兩類：
1）金礦股
2）飾金股
金礦股涉及黃金開採、黃金加工，而飾金股就負責黃金銷售，這些公司的業績往往與黃金價格有密切相關，不過就唔會好似黃金ETF咁同金價嘅走勢甘貼。
購買黃金股同購買紙黃金或者黃金ETF唔同，就唔係純粹睇金價嘅升跌。
黃金ETF是透過金價上升而獲利，而購買黃金股就唔同，而要睇埋公司基本面（一些營運情況）仲有大市的走勢等。

香港上市嘅金礦股包括：
1）山東黃金(01787)
2）招金礦業(01818)
3）紫金礦業(02899)
4）中國黃金國際(02099)
5）靈寶黃金(03330)等

而喺香港上市嘅金飾股就包括：
1）周生生(00116)
2）周大福(01929)
3）六福(00590)等

黃金股價格與金價關係
整體上，黃金股嘅股價走勢同金價的走勢方向一致。不過其實佢哋嘅股價唔係同金價直接掛鉤，亦牽涉更多元素。先講金礦股。
例如：
該金礦股是否屬於上遊嘅採礦公司定係下遊嘅加工公司，如果是上遊嘅採礦公司(公司擁有金礦)就可以受惠於金價上升，如果是下遊的加工公司，當金價上升，成本亦會上升。所以加工黃金嘅毛利率遠比於採礦的低，所以金礦公司嘅內在價值在於其金礦資源，同自己生產黃金嘅能力。
第二，該公司的黃金生意佔比，除咗黃金生意之外，一般金礦股亦有生產銅，甚至其他貴金屬，例如銀，鐵等等。所以該公司黃金生意佔比，亦會影響該公司業務和股價與金價走勢嘅關聯性。
如果牽涉生產其他貴金屬，業績亦受其他金屬業務影響。
例如招金礦業就有較純正嘅黃金業務，而對於一些純正黃金業務的公司，一般金礦股的價格相對金價都會呈槓桿效應，例如金價每升1%，有機會可以推動股價升3%架。不過要留意帶槓桿效應，亦即係波動性較高，相對嘅風險較高，因為同樣地，假如金價下跌1%亦都有機會令股價跌3%。
至於金飾股偏向屬於消費類股份，受經濟影響較大，而且唔能夠直接受惠於金價上升，只能通過金價上升張刺激消費者追買嘅情緒，然後間接獲利。

影響黃金股價格的其他因素
需要注意的是，黃金概念股雖然受黃金價格波動的影響，但並不完全取決於黃金價格。以下兩個因素同樣也會影響黃金概念股：

1）大市升跌
黃金概念股會受到股市整體情況影響。當市場情緒不佳資金紛紛逃出股市時，股市大跌，黃金概念股同樣也會下跌。

2）公司基本面
不同公司的營運情況不一樣，例如公司有沒有好好控制經營成本等，另外業績前景也不一樣。所以即使同樣受位於金價上升的黃金股，業績好的黃金股往往比業績不好的黃金股走勢更佳。

總結
投資黃金股，除咗可以從股價上升獲利，由於是股票，亦有機會獲派股息。加上，若果睇好金價上升，投資金礦股可以帶嚟槓桿效應，適合較長進取嘅投資者，不過同時亦要留意較高嘅波動性同風險，我們在投資黃金股前，最好先評估公司的基本面、行業前景以及預測黃金價格。