Скачать или смотреть MIRROR拍《Innerspace》貪玩變落湯雞 Jer施展「狂人踩」受害者 Ian要搶咪 巨龍Stanley剷出海嘨 教Tiger上寶貴一課

#innerspace #MIRROR #mirrorweare

MIRROR推出全新派台歌《#Innerspace 》為演唱會造執，MV推出至今已有逾170萬點擊，成績理想。其中「水舞間」一幕更成為熱話。早前眾成員分享了拍攝這一幕的點滴，讓樂迷可以見識到眾人有多貪玩。

#Lokman 與 #AK 今趟在《Innerspace》MV中成為了騷肌擔當，穿上背心展示強壯臂彎，為了顯示優美線條，二人在埋位前都狂做掌上壓，不過AK因為連夜趕拍劇又再拍MV，在水中起舞人也凍得打冷震，完成後更需要即時喝熱水。AK道：「拍親MV都好似同水分唔開，繼《#特登 》和《 #REBOUND 》後，今次喺《Innerspace》又再濕身，但因為最近拍劇又冇乜食嘢，又俾件背心我著……我都知我唔夠大隻，抵抗力差少少，仲要第3日拍到凌晨6點幾，攰都係正常，所以會覺得有少少凍。」而跳舞多年的 #Frankie (#陳瑞輝 ) 對於今次「水舞間」一役則道：「我哋跳咗咁多年舞，但喺水裡面跳，好多人都係第一次，原來係非常困難，同埋好多隊友都好大力踏水！」愛乾淨的 #Alton ( #王智德 )被濺得全身濕透，但卻未有介懷，更說：「喺水上跳舞係最晚拍攝嘅最後一Part，但能量係幾何級數咁提升，加埋水花，大嘅腳步聲，令到個效果加成，第一次睇Playback嗰下，我哋自己都『嘩！』一聲。」

今次在水舞間起舞一幕，如要數到最貪玩的，應該非 #Edan ( #呂爵安 ) 、#Stanley ( #邱士縉 ) 及 #Jer ( #柳應廷 ) 莫屬。Edan笑言出盡力起舞都多得Stanley，Edan解釋道：「嗰個景大家見到都好興奮，因為好靚，而喺水裡跳有水花都好有型。咁喺水裡面都要全力以赴，隻腳嘅力量都要全力以赴，而我係師承Stanley嘅大力踩水。」Stanley聽罷Edan的話，即道：「拍鏡頭水花大先好睇，咁為咗好睇，當然要出盡全力踏水。最後嗰幕Jeremy喺我後面，每次一完擰轉頭望住Jeremy，都係由頭濕到落腳。我有問佢使唔使細力啲，佢話唔使㗎！」#Jeremy ( #李駿傑 )指為了有型又要靚，也未有阻止Stanley的「惡行」，並說：「冇理由叫Stanley細力啲就我嘛，只不過最尾Ending Pose，我成塊面流晒水，但都要Keep住有型。」其實當災的不只Stanley，AK因為著背心，當Stanley大力踏水時，水便由AK的腋下濺入到胸前，難怪AK會凍得打冷震。另外，Jer鏟草式的舞技也令人很傷腦筋，事關其中一幕他要跣入中間位置，但AK、Ian、Lokman及Edan當時要踎低，結果Jer未有收掣直接鏟入，AK笑指「啲水有浪㗎！每次內心都不其然Wow一聲！」Lokman更將Jer這一鏟為「狂人踩」。Jer聽到大家的形容後，都不禁失笑說：「咁好玩嘛！」本來未有加入討論的 #Ian( #陳卓賢 ) 都開聲道：「我踎低㗎，你咁樣飛埋嚟，你就好玩囉！」眾人你一言我一語的，人人氣氛高漲，結果Jer打圓場道：「我太投入件事，大家都要濕下身啦！」

未有發言的 #Tiger ( #邱傲然 )，則表示這次拍攝上了人生寶貴一課：千萬別行差踏錯！他說：「個Intro本身好有氣勢好大力咁跳，咁啱嗰下係跪喺度，但音樂一起太細聲聽唔到，大家起晒身又好大力好有氣勢，我一不留神，就好似有個海嘯湧埋嚟一樣，嗰下就即刻醒咗！」但 #Anson Lo ( #盧瀚霆 ) 卻道：「我幾Surprise自己冇食到水。」Tiger聽到即突破盲腸說：「我知點解佢跳舞咁大力，可以擋返啲水出去。」

此外，今次 #姜濤 首度在歌曲中唱rap，更要用英文演繹，他直言要「用英文說話」，這跟他的Solo作品《作品的說話》一樣，姜濤希望能從作品中說出MIRROR的心聲。

►訂閱我們: https://bit.ly/2qoVYEN
►Website : https://www.am730.com.hk/
►FB:   / am730hk  
►IG:   / am730hk  

►這部影片中的音樂
bmgproductionmusic