مثل سعد خنفور ماتلقى عضو 🔥 مهداة الى المرشح سعد الخنفور 🔥 اداء فهد بن فصلا وجفران بن هضبان 2024

مثل سعد خنفور ماتلقى عضو 🔥

مهداة الى المرشح الدائرة الرابعة
سعد بن علي الخنفور

كلمات الشاعر سعد الهويدي
اداء فهد بن فصلا وجفران بن هضبان


كلمات العمل

الي لا جات الكايدات ايحلها
لجله بني عبس المطاليق انهضو

من غير قاصر بالدواير كلهااا
مثل سعد خنفور ما تلقى عضو

……………………………………………………………

انا على نفس الوتيره والسياسه والمكان
ما غيرتني مجريات العالم المتغايره

واضح على وضح النقا حتى ولو الوقت شان
واسيّر الوقت لمسيري مستحيل اسايره

اصامد الدنيا واطوع كل صعبه بالعنان
ماني ضعيفن لا انكتم صدره فتح زرايره

اطى على القاع القفر واتعب على صيد السمان
المحزم احزامي ونيشان السلاح امعايره

ما تفرح اعيون الحسود ولا غفا جفن الجبان
حتى ولو ان الليالي بالنشاما دايره

يفرح بي الطيب وله عندي قدر عالي وشان
جعل القسوم الطيبه من حظه وسفايره

الطيب الي نمدحه ذاك الزمان وذالزمان
ثابت على مبداه شيال الحمول الجايره

افلان يثني لا طرا ذكره ويفخر به فلان
ومن ذا قبوله عند ربي تنعرف سرايره

اي والله الخنفور يا صيتن تعلا بالبيان
وجهن يبشر من نصاه بعزه وبشايره

من يعرفه يطنخ ولا يحتاج لحزام الامان
انشهد انه محزمه واسلاحه وذخايره

ومن يزهمه يضمن له الدعوا بعد ربي ضمان
الي ماهيب اتصير عنده والله انهاا صايره

كمن خصيمن من فعوله عودت عشره ثمان
وكمن مريضن قد دعاء له فوق متن الطايره

لو حل عقد البرلمان وحان وقت البرلمان
ولو الدواير كلبوهااا تجتمع في دايره

اسم سعد خنفور عالي ما يحول لـ الطمان
قرمن على روس المعالي بيّنه جرايره

هيا انهضو هيا انضهو يا عبس غد انّ الاوان
يا فزعة المضهود يوم ان الاعادي غايره

بني رشيد الي لهم في قمة الطاله كيان
ادميهم من طيبهم عند الحماياا فايره

امحظرينً كل ربعك يا سعد قبل البيان
ذا همل اشغاله وذاك امهملن عشايره

الصوم في شهر رمضان الصوت في شهر رمضان
وانفوس ربعك في كلا الفرضين ماهي حايره

من طيب راسك وقفو لك كلهم قدم العيان
لأنك سعدهم لا طغا الوقت وطغت شرايره

ولأنك تقول وتفعل ولأنك حصان ابن حصان
ولأنك كريمن ما يحّسب ارباحه وخسايره

مشغول معّ ربعك بني عمك يا جعلك ما تهان
يوم ان غيرك لاهي ابشغله وفي عمايره

سيفن مجرب يا ولد خنفور منت بخيزران
من تكسره يبطي بكسره ما اجبرت جبايره

الفعل عندك يوم غيرك ما معه غير اللسان
والحكي ما خلا عتيمات الليالي نايره

اخصامك اتدور مطيحك واقضبت درب الهوان
الكذب ما عز الرجال وتنكشف ستايره

ثابت سوات الضلع منهم مافقدت الاتزان
يا جعل ربي ما يبارك بالنفوس البايره

ذم الحطيئه ما دفن مجد الحصين الزبرقان
الواثق امن اخطاه منت محصلن عثايره

وحنا نقول الحق شان الوقت ولا الوقت زان
للحق كلمه مثل طلقة فرد حمزه ثايره

الشعب بامثالك بعد رب المخاليق استعان
والشعب جندن للوطن ودروعه وضمايره

اطلق حجاجك يا اخو ادليّل لا جاء فرز اللجان
فوزك تباشر به هل العطفا وكل الدايره

..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ