Скачать или смотреть «ចូរបណ្ដេញអារក្សឲ្យចេញទៅ» Tell The Devil Off រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃអាទិត្យ ទី២១ ខែមករា ឆ្នាំ២០២៤។

«ចូរបណ្ដេញអារក្សឲ្យចេញទៅ» Tell The Devil Off

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«ព្រម​ទាំង​អរ​ព្រះ‌គុណ ដល់​ព្រះវរ‌បិតា​ដែល​ទ្រង់​បាន​ប្រោស ឲ្យ​យើង​បាន​គួរ​នឹង​ទទួល​ចំណែក​កេរ្ដិ៍‌អាករ ក្នុង​ពួក​បរិសុទ្ធ​នៅ​ទី​ភ្លឺ​ផង។ ទ្រង់​បាន​ប្រោស​ឲ្យ​យើង​រួច​ពី​អំណាច​នៃ​សេចក្ដី​ងងឹត ហើយ​ផ្លាស់​យើង​មក​ក្នុង​នគរ​របស់​ព្រះ‌រាជ‌បុត្រា​ស្ងួន‌ភ្ងា​នៃ​ទ្រង់» (កូល៉ុស ១ :១២-១៣)។

សូមសង្កេត​មើល​​ខគម្ពីរ​ផ្ដើម​គឺ​នៅ​ពីអតីតកាល ដែល​មាន​ន័យ​ថា​ខគម្ពីរនោះមិន​មែន​ជា​ការ​សន្យាទេ។ ការនោះបានកើតឡើងរួចរាល់ហើយ។ យើង​មាន​លក្ខណៈ​គ្រប់គ្រាន់​ ដើម្បី​ក្លាយ​ជា​អ្នក​ទទួល​យក​មរដក​នៃ​ពួក​បរិសុទ្ធ​ដោយ​ពន្លឺ។ ព្រះវរបិតា​បាន​ធ្វើ​ឲ្យ​យើង​មាន​លក្ខណៈ​គ្រប់គ្រាន់។ ហាលេលូយ៉ា!

ខទី ១៣ ចែងថា «ទ្រង់បានប្រោសឲ្យយើងរួចពីអំណាចនៃសេចក្ដីងងឹត ហើយផ្លាស់យើងមកក្នុងនគររបស់ព្រះ‌រាជ‌បុត្រាស្ងួន‌ភ្ងានៃទ្រង់»។ ជា​ថ្មី​ម្តង​ទៀត ការ​ប្រើ​ពាក្យ «បាន» បង្ហាញ​ថា​ការ​ប្រោស​នេះ​គឺ​ជា​សកម្មភាព​ដែល​បាន​ធ្វើរួចរាល់ហើយ។ ទ្រង់បានប្រោសយើងពីអំណាចនៃសេចក្តីងងឹតរួចរាល់ហើយ។

ពាក្យ «អំណាច» ដែលប្រើនៅទីនេះគឺ «Exousia» (ភាសាក្រិច) ពាក្យនេះប្រែថា «ការគ្រប់គ្រង» ឬ «សិទ្ធិអំណាច» ដែលបង្ហាញថា ព្រះបានផ្ទេរយើងចេញពីការគ្រប់គ្រង និងសិទ្ធិអំណាចនៃសេចក្តីងងឹតរួចរាល់ហើយ។ ទ្រង់បានប្រោសយើងចេញពីការគ្រប់គ្រង អំណាចច្បាប់ ឥទ្ធិពល និងអំណាចនៃសេចក្ដីងងឹត។ វាមានសារៈសំខាន់ណាស់ ក្នុងការឆ្លុះបញ្ចាំងពីសេចក្ដីពិតនេះ។

អ្នក​មិន​ត្រូវ​ខ្លាច​អារក្ស ឬ​ទទួល​ឥទ្ធិពល​ពី​សកម្មភាព​របស់​វា​ឡើយ។ អ្នកមានអំណាចពេញលេញលើពួកវា។ ប្រហែលជាអ្នកបានឃើញថា ខ្លួនអ្នកកំពុងប្រឈមមុខនឹងសុបិន្តអាក្រក់ និងការវាយប្រហារដ៏គួរឲ្យព្រួយបារម្ភពីអារក្ស ឬអង្គភាពដ៏អាក្រក់ណាមួយ។ ចូរប្រកាសសិទ្ធិអំណាចរបស់អ្នកនៅក្នុងព្រះគ្រីស្ទចុះ។ ចូរបណ្ដេញអារក្សឲ្យចេញទៅ!

ចូរ​នឹក​ចាំ​ពាក្យ​របស់​ព្រះ​យេស៊ូវ​ដែល​ថា «ទី​សំគាល់​ទាំង​នេះ​នឹង​ជាប់​តាម​អស់​អ្នក​ដែល​ជឿ គឺ​ថា គេ​នឹង​ដេញ​អារក្ស​ដោយ​នូវ​ឈ្មោះ​ខ្ញុំ...» (ម៉ាកុស ១៦:១៧)។ ចូរប្រើព្រះនាមព្រះយេស៊ូវប្រឆាំងនឹងសាតាំង និងពួកនៃសេចក្តីងងឹតរបស់វាចុះ។ ចូរឈរឲ្យ​រឹងមាំ​លើ​អត្តសញ្ញាណ​របស់​អ្នក​ក្នុង​ព្រះគ្រីស្ទ តំណែង និង​សិទ្ធិអំណាច​របស់​អ្នក​នៅក្នុង​ទ្រង់ ហើយ​ទទួល​បទពិសោធន៍​ជីវិត​ដ៏​លើសលប់ និង​សេរីភាព​នៃ​ព្រះវិញ្ញាណចុះ។

#សេចក្ដីអធិស្ឋាន
ខ្ញុំបានអង្គុយជាមួយព្រះគ្រីស្ទ លើសពីពួកមេត្រួតត្រា និងមេអំណាចទាំងអស់ ជាកន្លែងដែលខ្ញុំគ្រប់គ្រងលើសាតាំង និងអំណាចនៃសេចក្តីងងឹត។ ខ្ញុំរស់នៅក្នុងព្រះបន្ទូល គឺមិនវង្វេងដោយការកុហក ឧបាយកល និងល្បិចរបស់មារសត្រូវឡើយ។ ខ្ញុំដើរនៅលើជ័យជំនះ ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!

#ការសិក្សាបន្ថែម៖ អេភេសូរ ១:១៨-១៩ ១យ៉ូហាន ៤:៤ និង យ៉ាកុប ៤:៧ (ការកើតជាថ្មីកម្ពុជា)