Скачать или смотреть MKURUGEZI WA KAMPUNI YA XMATION DIGITAL ATOA FULSA KWA VIJANA KUJIFUNZA UJUZI WA KIDIJITALI

Kampuni ya Xmation Digital Imetoa fulsa Kwa vijana kuja kujifunza maswala ya digital wakati wa uzindua rasmi ofisi yake mpya ikiwa ni hatua muhimu katika kukuza ubunifu na teknolojia nchini. Akizungumza wakati wa hafla hiyo, viongozi wa kampuni hiyo waliwashukuru waandishi wa habari, wageni waalikwa na wadau mbalimbali kwa kujumuika nao katika tukio hilo muhimu. Walisema uzinduzi huo ni ishara ya umoja na dhamira ya pamoja katika kuendeleza matumizi ya teknolojia kwa maendeleo ya vijana na jamii kwa ujumla.

Kupitia ofisi hiyo mpya, Xmation Digital inalenga kujenga mazingira yanayowawezesha vijana na wataalamu kutumia teknolojia katika kuzalisha maudhui bora na bunifu. Kampuni hiyo imejikita katika kutoa huduma za kidijitali na ubunifu wa kuona, ikiwemo uchapishaji wa majarida, vitabu, T-shirt zenye nembo, mabango na bidhaa nyingine nyingi zinazosaidia taasisi na jamii kufikisha ujumbe wao kwa ubora na uwazi.

Viongozi wa kampuni hiyo walitoa shukrani za dhati kwa washirika, familia, marafiki na wadau wote waliochangia kufanikisha safari hiyo tangu hatua za mwanzo. Aidha, walipongeza waandishi wa habari kwa mchango wao mkubwa katika kusambaza taarifa sahihi kwa jamii. Wamesema kupitia ofisi hiyo mpya, Xmation Digital itaendelea kushirikiana na jamii, taasisi na vijana katika kujenga mustakabali bora zaidi wa teknolojia, ubunifu na uchapishaji nchini.