Baba Mahmudoğlu (Mirzəyev) - Rast dəstgahı

Unudulmaz sənətkarımız Baba Mahmudoğlunun 1968-ci ildə yazılmış bu əvəzolunmaz ifasını dinləyicilərə təqdim edirəm. Təəssüflər olsun ki, bu muğamın orijinalını əldə etmək mümkün olmadığı üçün bəzi guşələrdə yarımçıq alınıb. Ümumiyyətlə bu ölməz sənətkarın bəzi ifaları efirlərdən uzaq qalıb ("Bağçada güllər", "Gəlmə, gəlmə, get ay gülüm", "Arpaçayı" və s.). Onun gənclik illərində oxuduğu bəzi muğamlar da efirlərdən uzaq qalıb. Qoy muğamsevərlər bir daha agah olsunlar ki, Baba Mirzəyev muğamlarımızı necə ifa edib. Çünki, bəzi dinləyicilərdə bu sənətkarın muğam oxuması haqqında mənfi fikirlər dolaşır. Qoy bu ifa onlara qismən də olsa cavab olsun. Allah Baba müəllimə rəhmət eləsin!