Скачать или смотреть 伊朗被炸為何波及香港?｜孟晚舟曾利用香港偷運違禁品畀伊朗 特區被盯上｜美資續撤港 李家超就叫港人學阿拉伯語［踢爆財經 EP40］

主持：何良懋
嘉賓：Mr T
播出：2026/03/04(周三)，香港11pm，溫哥華及美西7am PST、多倫多及美東10am EST

今期踢爆要點如下：

伊朗政權領導人及軍事設施等，2月28日起被美國同以色列聯手轟炸多天，精神領袖哈梅內伊更在轟炸的第一天就被美軍斬首，點解今次西亞烽火又會關香港事呢？

今次美以攻打伊朗，唔好以為唔關香港事，反之，對香港會有深遠影響。自從十年前孟晚舟違反美國禁令，通過香港偷運違禁HP電腦去伊朗斷正，孟晚舟後來更被美國通緝，在加拿大轉機時遭逮捕。從華為孟晚舟事件已顯示，香港早被綁上中共與美國互鬥的戰車上，隨時把香港玩殘。香港長期被共匪脅迫，參與「支援」伊朗，因為可以利用香港仍係自由港同物流中心地位，幫助伊朗神棍政權套取外匯與物資。美國同以色列都知道，中國香港正持續「接濟」伊朗呢挺邪惡政權把持嘅國家，美國「的起心肝」抽打伊朗，唔通「幫兇」嘅香港真係可以置身事外？細思極恐。

假如侵侵拍枱大怒，一聲令下，對付香港聯繫匯率，加上依家港共政府不斷奉上香港資產，無限制咁動用財政儲備、外匯儲備，明益共匪公司「起」基建項目，借債都要建設北部都會區，再咁搞落去，會否直接打香港人嘅財產例如強迫金嘅主意呢？

另外，香港的外來直接投資（FDI ）自2015年以來持續增加，到2024年累積存量已接近20萬億港元，大概係本地GDP的600%以上。 由2015年起計，大陸直接投資香港，佔咗35-40%；美國同歐洲則佔20-25% ；其餘屬於BVI/開曼群島等(好多其實係大陸公司)。

到了2024年，大陸直接投資已經佔50%或以上，美國只得3-5%，歐洲則佔10%左右，其餘又係BVI/開曼群島等。據從ChatGPT查閱所得，並唔係來自歐美資金投資縮水，只係大陸資金到港增幅勁大。

美國駐港總領館幾年前把1948年已持有的港島南區領館住宅物業甩手，說明美帝並唔睇好港版國安法鎮壓下的香港前景；加上西方在港投資連年縮水，只淨番「北水」大陸資金單拖撐場，香港嘅金融市場弱過藥煲，現在加上伊朗變天在即，中南海袞袞諸公恐已有得震冇得瞓，香港難道仲會有好日子過咩？
—————
Mr T是資深銀行從業員，曾在香港多家銀行工作多年，足跡遍及中港台和東南亞、英國與加拿大等地。最喜踢爆財經黑幕，揭露政經勢力互相勾結陰謀，解讀涉及公眾利益的新聞時事，盡己所能為網友提供趨吉避凶資訊。



請各位支持者勿忘訂閱及點讚、分享何良懋頻道+影片，連結在此：   / @victorlmho5144  

同時，誠邀網友加入何良懋披藏Patreon會員計劃，持續贊助新頻道營運經費，多少無拘：
patreon.com/ho2025