Скачать или смотреть ოცნების კოორდინატორების პროტესტი

დღეს კოალიცია "ქართული ოცნების" კოორდინატორებმა და ქვეკოორდინატორებმა ზუგდიდში, არასამთავრობო ორგანიზაცია "ქალები მშვიდობისათვის" ოფისში შეკრება მოაწყვეს. ისინი კუთვნილი თანხების გაცემას მოითხოვენ. კოორდინატორების განვხადებით, მათ ოთხი თვის განმავლობაში კუთვნილი თანხები საერთოდ არ მიუღიათ. დღევანდელ შეხვედრაზე ერთმნიშვნელოვნად აღინიშნა, რომ ეს იყო გამაფრთხილებელი შეკრება და თუ პრობლემა დროულად არ გადაიჭრება ისინი ფართომასშტაბიანისაპროტესტო აქციებით იმუქრებიან. ზუგდიდიდ რაიონში მომუშავე "ქართული ოცნების" კოორდინატორები საქართველოს პრემიერ ბიძინა ივანიშვილს მიმართავენ თხოვნით გაარკვიოს თუ სად გაქრა მათთვის განკუთვნილი თანხები.
შეგახსენებთ, რომ "ქართული ოცნების" ზუგდიდის ოფისს 1100 ადამიანზე სამი თვის სახელფასო დავალიანებაგაუცემელი დარჩა. კოორდინატორებისთვის გასაცემი ერთი თვის ხელფასი 300, ხოლო ქვეკოორდინატორებზე 150 ლარს შეადგენს. ჯერეჯერობით არცერთ კოორდინატორს შეპირებული ხელფასი არ მიუღია. ზუსტად ერთი თვის წინ კი გავრცელდა ინფორმაცია, რომ "ქართული ოცნების ზუგდიდის ოფისიდან 3.800.000 ლარი უკვალოდ გაქრა. გამორიცხული არ არის ამ საქმესთან დაკავშირებით საგამომძიებლო მოქმედებებიც დაიწყოს.