Скачать или смотреть ដាក់កម្លាំង វាយ របងថ្ម ដែលសង់ បិទផ្លូវ លែងអោយដើរ! អភិបាលរង ប៉ាង លីដា បើកដៃ អោយពលរដ្ឋ ប្តឹង ខ្លួន បើ

ដាក់កម្លាំង វាយ របងថ្ម ដែលសង់ បិទផ្លូវ លែងអោយដើរ! អភិបាលរង ប៉ាង លីដា បើកដៃ អោយពលរដ្ឋ ប្តឹង ខ្លួន បើ....! ទីតាំងស្ថិតក្នុងបុរីសន្តិភាព២ ភូមិ៥ សង្កាត់ចោម២ ខណ្ឌពោធិ៍សែនជ័យ រាជធានីភ្នំពេញ នារសៀលថ្ងៃទី១៥ ខែតុលា ឆ្នាំ២០២៥។ សូមជម្រាបថា ទីតាំងខាង អាជ្ញាធរ សង្កាត់ក៏បានធ្លាប់បានណែនាំ តែ ម្ចាស់ផ្ទះ នៅតែបន្តធ្វើ។

លោក ប៉ាង លីដា បានលើកឡើងថា បន្ទាប់ពីធ្វើការងារ ស្តារលូ ប្រឡាយរួច លោក នឹងដឹកនាំក្រុមការងារ រៀបចំសណ្តាប់ធ្នាប់ របៀបរៀបរយ សាធារណៈ ក្នុងនោះ មានដូចជា ៖ ការចាក់ខឿនខ្ពស់ទាបមុខផ្ទះ ការយកចិញ្ចើមផ្លូវលក់ដូរ ការចតយានជំនិះ លើចិញ្ចើមផ្លូវ និងការកាត់ផ្លាកប៉ាណូពាណិជ្ជកម្ម នៅលើចិញ្ចើមផ្លូវជាដើម។

អភិបាលរងរូបនេះ សូមអំពាវនាវដល់ ប្រជាពលរដ្ឋ ទាំងអស់ សូមចូលរួមសហការជាមួយ អាជ្ញាធរមូលដ្ឋាន កុំបោះចោលសំរាម ឬកាកសំណល់ ផ្សេងៗ ចូលទៅក្នុងប្រឡាយ ដែលបង្កឱ្យមានការកកស្ទះ បណ្ដាលឱ្យមានការជន់លិចលំនៅឋាន រួមទាំងហេដ្ឋារចនាសម្ព័ន្ធ និងផ្លូវនានា ក្នុងខណ្ឌពោធិ៍សែនជ័យ។

លោក ប៉ាង លីដា សូមគោរព ថ្លែងអំណរគុណ ដល់ លោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ ឯកឧត្តម ឃួង ស្រេង អភិបាលរាជធានីភ្នំពេញ ដែលតែងតែគិតគូ និងជំរុញ លើកទឹកចិត្ត ក្នុងការអភិវឌ្ឍន៍មូលដ្ឋាន ជាពិសេស បញ្ហាសណ្តាប់ធ្នាប់ របៀបរៀបរយសាធារណៈ អនាម័យ បរិស្ថាន និងប្រព័ន្ធលូ ប្រឡាយរំដោះទឹកជាដើម៕

គួររំលឹកផងដែរថា កាលពីថ្ងៃទី៦ ខែតុលា ឆ្នាំ២០២៥ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ៖ «នៅក្នុងមូលដ្ឋាន ការរំលោភដីចិញ្ចើមថ្នល់ សំរាម ឬមួយសំណង់ នានា អាណាធិបតេយ្យ ដែលឈានទៅដល់ការលុប ប្រឡាយ ឬមុខ ឬឆ្អឹងខ្នងប្រព័ន្ធលូនេះ ខ្ញុំគិតថា មិនចាំបាច់សុំគោលការណ៍ទេ សូមឱ្យ អភិបាលខណ្ឌទាំងអស់ យកចិត្តទុកដាក់ទៅលើកិច្ចការងារនេះ!»

ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ៖ បើមាន មនុស្ស ដូច លោក ប៉ាង លីដា អភិបាលរងខណ្ឌពោធិ៍សែនជ័យ ច្រើន ល្អ ភ្នំពេញ អាចអន់លិច អនាម័យ ល្អច្រើនជាងមុន៕