شيلة :

كلمات : علي بن شعتور
اداء : عبدالملك المالكي
للتواصل مع المنشد
ادارة اعمال :الوليد المالكي
0553099593

كلمات القصيدة :
شموخ بني مالك

يا هاجسي وثق احزامك وهيا تعال
ابغى القصايد تشوش ابراس شيطانها

من كبر هذا المقام ابغى المعاني ثقال
حتى تجمل لشاعرها وفنانها .

في ملتقى اهل الوفا هات البحورالطوال
الناس لابد توزنها بميزانها

ربعي بني مالك اكبر من فنون المقال
ابيات ماهي لهم ما يرتفع شانها

هم الكرم والشجاعه واللظى والضلال
من غيرهم تزهد ارض الله بسكانها

شموخ ربعي تسامى عن شموخ الجبال
دام انه المشتري واسهيل جيرانها

اهل الخيول النجيبه والصفر والسلال
لا ولعت شعلة الفتنه بميدانها

الطفل منهم تولع في فنون القتال
كن المراجل تزفه فوق جنحانها

على شجاعة بني مالك جواب السوال
القادسيه في التاريخ عنوانها

من عزمهم عرش كسرى طاح والحكم زال
واجيوش فارس تولت واندر اجنانها

واالترك جاهم من اسهوم المنايا خيال
جثثهم اتراكمت في وسط وديانها

اليا نخانا الرفيق نحقق اقصى المحال
والا عدانا بنشويها بنيرانها

من حلمنا تستكين العاصفه والرمال
ومن غضبنا تشب الارض بركانها

وان كان جا للدعاوي ف المجالس مجال
اكبر قضيه علينا سهل حلانها

والجود ملك القبيله ما يبي له جدال
تشهد بهذا عداها قبل صدقانها

العود الازرق يرحب قبل صفر الدلال
واصحون يندى دسمها قدر ضيفانها

كفوفهم لاعطت تشبه غزير الخيال
كن السما شرعت للارض بيبانها

يا لابتي يابني مالك زحول الرجال
هاماتكم تسكن الطنخه بشريانها

واشيوخنا اهل الوفا والمعرفه والكمال
عاشو رموز القبيله عاشوا اركانها

ونرفع اكفوفنا لله رب الجلال
بالنصر للجيش والدوله وحدانها

وعاشت المملكه سيفاً على اهل الضلال
وعاش سلمان سيدها وسلطانها

من كبر هذا المقام ابغى المعاني ثقال
حتى تجمل لشاعرها وفنانها