ගෑස් කාන්දු හේතුවෙන් පිළිස්සීම්, මරණහමුවේ සිලින්ඩර් බාර නොගැනීම

මේ ටික කරුණාකර ලියා තබා ගන්න. අත්‍යවශ්‍ය ආහාර ද්‍රව්‍ය ටික පවා ගෙන ඒමට විදේශ විනිමය නැතිව ඔබේ මාතෘ භුමිය තව මාස කීපයකින් එක්ස්ප්‍රස් පර්ල් නැව මෙන් ගිනි ගනිමින් ගිලා බසින බව නැවේ කප්පිත්තා වන ඝෝඨාභය ඔබට තවමත් හෙළි නොකලද දැන් වේගයෙන් සිදුවෙමින් පවතින්නේ එයයි. ඩොලරයේ නියම වටිනාකම ගෙවීම පොහොට්ටුව ප්‍රතික්ෂේප කිරීම නිසා විදේශ රටවල සේවය කරන ශ්‍රී ලාංකිකයින්ද මෙතෙක් කල් මෙරටට එවන ලද ඩොලර් ටිකද දැන් එවන්නේ නැත. එහි වගකීම පවරෙන්නේද වෙනත් කිසිවකුට නොව රජයට අදායමක් නැති නිසා කිසිම නියාමනයක් නැතිව අලුතින් රුපියල් 5000/- නෝට්ටු ට්‍රිලියන ගනනක් මුද්‍රණය කර රුපියන අනාථ කල කබ්රාල් ප්‍රමුක පොහොට්ටුවේ ආර්ථික උපදේශකයන් වෙතය. මැද පෙරදිග සේවය කරන ශ්‍රී ලාංකිකයන්ද රුපියලට සාපේක්ෂව ඩොලරයේ සැබෑ අගය ශ්‍රී ලංකාවේ බැංකු විසින් ගෙවීම ප්‍රතික්ෂේප කිරීම හෙයින් ඔවුන් උපයන ඩොලර් කබ්රාල් තීරණය කර ඇති තුට්ටු දෙකට ලබාදීමට සුදානම් නැත. එම තීරණය සර්ව සාධාරණය. මේ අවස්ථාවේ ඔවුන් හමුවේ ඩොලර් ඉල්ලා කබ්රාල් හඬා වැලපෙන්නේ එහෙයිනි.

මේ වනවිට ඝෝඨාභය ප්‍රමුඛ පොහොට්ටුව සජිත් ප්‍රේමදාසගේ සහ අනුර කුමරගේ පුර්ණ සහයෝගයෙන් ඔබේ මාතෘ භුමිය අනාථ කර මේ රටේ අනාගත පරම්පරාවේ උරුමය ඔවුන්ට අහිමි කර අවසන්ය. නමුත් ඝෝඨාභය මේ අවස්ථාවේ එහි සුක්කානම හසුරුවන කිසිම දැක්මක් නැති හිස් මිනිසකු වුවද එම අපරාධයේ ප්‍රධාන වගඋත්තරකරු ඔහු නොවන බවද කිව යුතුය. රාජ්‍ය පාලනය ගැන කිසිම දැක්මක් නැති ඝෝඨාභය කලේ රටේ විනාශය තරමක් කඩිනම් කිරීම පමණි.

ලොව පවතින ඉතා දුර්ලභ, සුන්දර, රමණීය දිවයිනක් මෙසේ ජාත්‍යානුරාගය කඳුලක් නැති අපරාධකරුවන් පිරිසකට මෙසේ විනාශ කිරීමට ඉඩදී උගත් බුද්ධිමත් මිනිස්සු ඔවුන් හමුවේ දනින් වැටීම මොනතරම් අපරාධයක්ද ? ඔබේ මාතෘ භුමිය අනාථ කලේ මේ රටේ ක්‍රියත්මක වන අතිශයින් දුෂිත පක්ෂ දේශපාලනයයි. 225 නියෝජනය කරන ප්‍රධාන පක්ෂ දෙක එහි නියමුවන් වුවද දශක ගණනාවක් පුරා ඔවුන්ට දර දිය අදිමින් එම 225 ප්‍රසිද්ධියේ කරන වංචා දුෂණ ක්‍රියා හොරෙන් සිදු කිරීමට හුරු පුරුදු වූ ජවිපෙද එම අපරාධයේ යාවජීව කොටස් කරුවන්ය. එතෙක් මෙතෙක් 4 දෙනෙකුගේ කල්ලියක් විසින් මෙහෙයවන ජවිපෙ සිදුකලේ අපරාධ සහායකයකුගේ වගකීම ඉටු කිරීමය.