Скачать или смотреть តើគ្រូបង្រៀនផ្អែកលើកិច្ចព្រមព្រៀងការងារ ទទួលបានប្រាក់បៀវត្សន៍និងអត្ថប្រយោជន៍អ្វីខ្លះ

តើគ្រូបង្រៀនផ្អែកលើកិច្ចព្រមព្រៀងការងារ ទទួលបានប្រាក់បៀវត្សនិងអត្ថប្រយោជន៍អ្វីខ្លះ?
----------------------------
លោក យក់ ប៊ុនណា រដ្ឋលេខាធិការប្រចាំក្រសួងមុខងារសាធារណៈ បានថ្លែងថាប្រាក់បៀវត្សរបស់គ្រូបង្រៀនផ្អែកលើកិច្ចព្រមព្រៀងការងារ គឺសមស្របទៅនឹងទីផ្សារការងារបច្ចុប្បន្ន។ បើទោះបីជាមិនដូចទាំងស្រុង ប៉ុន្តែវាមានភាពប្រហាក់ប្រហែលនឹងគ្រូក្របខណ្ឌកម្រិតបឋមសិក្សា។ ចំណែកអត្ថប្រយោជន៍ផ្សេងៗទៀត ដូចជាប្រាក់លើកទឹកចិត្ត បណ្ណសរសើរការងារ មេដាយការងារ បានដូចគ្នាទៅនឹងគ្រូក្របខណ្ឌ។
លោក យក់ ប៊ុនណា យល់ថា ក្នុងអាជីពជាគ្រូបង្រៀន គួរកុំមើលលើត្រឹមអត្ថប្រយោជន៍ប្រាក់បៀវត្ស ព្រោះអាជីពជាគ្រូបង្រៀនមានតម្លៃជាសីលធម៌កម្រិតខ្ពស់ និងជាអាជីពមានតម្លៃក្នុងសង្គមខ្មែរ។ លោកថ្លែងបែបនេះក្នុងសន្និសីទសារព័ត៌មាន ស្ដីពីវឌ្ឍនភាពការជ្រើសរើស និងគ្រប់គ្រងគ្រូបង្រៀនផ្អែកលើកិច្ចព្រមព្រៀងការងារ នៅគ្រឹះស្ថានបឋមសិក្សា នៅថ្ងៃទី២០ ខែវិច្ឆិកា ឆ្នាំ២០២៥៕
#គ្រូបង្រៀនផ្អែកលើកិច្ចព្រមព្រៀងការងារ #ក្រសួងមុខងារសាធារណៈ #វិទ្យុវាយោ #vayo #vayoradio