Скачать или смотреть #ملاعبه

باسم الرقيب اللي على خلقه رقيب
سمع على صم الصفا صوت الدبي

الناس باهل الطيب لا يمكن تغيب
وانا على مذهب جدودي مذهبي

يا مرحبا فنجال كيف وريح طيب
اعداد همال السحاب العقربي

بضيوفنا الاجناب والضيف القريب
من لحية الشايب ليا راس الصبي

في حفل شيخٍ غايته ما هي قريب
دايم ورى بيض النجوم الرقّبي

سبع المواقف دون شك ودون غيب
كساب لطاله سعود الملعبي

ذاك الصحيب الي ينومس لصّحيب
ذاك العريب ابن العريب اليعربي

من جاه يبغى العون ظنه ما يخيب
بأمر الله الوالي يجيه اللي يبي

الحمل لو انه على غيره صعيب
يقول من زود الحمل ما ارخا منكبي

كريم سبله من هل الراي الصليب
اللي لهم بالمجد حرفن يكتبي

ملاعبه تقضي طليب من طليب
عز الخوي والا المعادين تهبي

من روس علوى لاطمت كيد الحريب
الي على نهج الصحابه والنبي

قلته وانا شاعر ولي ظنٍ يصيب
ورد على هداج عذب المشربي

محمد خالد المشوح