Cam Ye O'er Frae France - Jacobite-era Scottish folk song

Cam Ye O'er Frae France by Alastair McDonald from the album "Bonnie Prince Charlie".

"Cam Ye O'er Frae France" is a Scottish folk song mocking King George I. It was written around the time of the Jacobite risings. Lyrics provided below:

Cam ye o'er frae France? Cam ye doon by Lunnon?
Saw ye Geordie Whelps and his bonnie woman?
Were ye at the place ca'd the Kittle Housie?
Saw ye Geordie's grace riding on a goosie?

Geordie, he's the man, there is little dout o't
He's done a' he can, wha can dae wi'oot it?
By there cam a blade linkin' like my lordie
He wad drive a trade at the loom o Geordie

Though that claith were bad, blythly may we niffer
Gin we get a wab, it makes little differ
We hae tint oor plaid, bannet, belt and swordie
Ha's and mailins braid—but we hae a Geordie!

Jocky's gane to France wi Montgomery's lady
There they learn to dance: Madam, are ye ready?
They'll be back belyve belted, brisk and lordly
Brawly may they thrive to dance a jig wi Geordie!

Hey for Sandy Don! Hey for Cockolorum!
Hey for Bobbin' John and his Hieland Quorum!
Mony's the sword and lance swings at Hieland hurdie
As they skip and dance o'er the bum o Geordie!

Cam ye o'er frae France? Cam ye down by Lunnon?
Saw ye Geordie Whelps and his bonnie woman?
Were ye at the place ca'd the Kittle Housie?
Saw ye Geordie's grace riding on a goosie?