Скачать или смотреть خالد ال بريك & دوحة تميم 2023 حصرياً

تنبية : ‼️⛔️نسخك للمحتوى او عادة رفعه يعرض قناتك للاغلاق .

إشترك وفعل التنبيهات في قناة المصمم الــــسـاطــي الرسمية للحصول على الجديد

طلب التصميم رابط الواتس مباشر 👇🏻‬

‏https://api.whatsapp.com/send?phone=966502...

تصميم
الساطي - القناة الرسميه

سنابي حياكم الله شرفوني

‏https://t.snapchat.com/9VnVuhou

#الساطي
#خالد_ال_بريك

سبحان من يحيي العظام وهي رميم
احياء هجوسي بعد موت الهامها ..

والشعر مثل الحكمة بصدر الحكيم
ياجب عليه ان يحسن استخدامها

يعني بدون مقدمات وسين جيم
بيض الصحايف ما تجف اقلامها

في خاطري عصماً تهيم وتستهيم
و اهديتها اللي يستحق هيامها ..

ياغنيم ابن عبدالله سلالة غنيم
فيك القصائد لعنبو من لامها

أنت الكريم ابن الكريم ابن الكريم
اهل الجزايل… تتعبون اكرامها

يا جعل من رباك .. في دار النعيم
(النعم) .. كان ابوك من غنّامها
‏
النادر اللي فالعرب شكلة عديم
ذخر ال زايد في ( قطر) وحسامها

منصى الدواسر .. مثل زمزم والحطيم
تنصاه لا شانت ظروف ايامها …

اذا رضا .. صدره مثل روضة خريم
واذا امتطى الصعبة .. يشد لجامها ..
‏
يعدّل المايل .. ويرجع مستقيم
كنّـه .. يعدْل شماغه ومرزامها ..
‏
عبدالله المتواضع الشهم الحشيم
هو قدوة ربوعه .. وهو مقدامها ..

يكفيه من دنياه .. (دعوات اليتيم)
.. يا كم عجوزٍ .. هو كفيل ايتامها ..

ومن مات ما خلف مثل راسك عقيم
.. جعل السنين تصد عنك سهامها ..

‏عذروبك انك تعجّز عيال الحريم
اللي على دربك تحث اقدامها

لا كبرت القالة ؛ وصار الجو غيم
ربعك تحيزم فيك ؛ وانت حزامها

اقدم .. وخل عداك (تذهب للجحيم)
.. ابوك إمام القوم .. و أنت أمامها ..

ياهل الاصايل ..لا الزعيم الا الزعيم
.. ملي ينافس هجننا وارقامها

اليا احتمى شوط السباق ؛ الله عليم
بكارنا ما احدن يجي قدامها

نهد باللي تربك اوراق الخصيم
.. خطوات اصيلٍ ينعمس سوّامها

شيهانة ٍ .. تسبق ذعاذيع النسيم
..مايلحق الدرهم ثمن درهامها

في ركضها اقبالت فرس ؛ واقفاي ريم
.. كن تحتها البيدا تثور الغامها

من عزبة الامجاد .. و اركد يا غشيم
.. خاصمت قوم ما تفوز اخصامها

( الاد ودعانٍ هل المجد القديم)
.. هل عزوةٍ في الوقت ما احد ضامها

اهل السلوم اللي على الدرب السليم
.. من يوم اهل مكة تعبد اصنامها ..

وهل مجهمٍ سندا ً واهل قصرن مقيم
.. يوم العرب متنقلة بخيامها ..

و ‏في يوم ما يروى محيمٍ مع محيم
تارد وتروى.. والعرب بحيامها

سلام يا اهل الطيب ؛ يا طب السقيم
من طيبكم .. تنسا النفوس اسقامها

الجد واحد ( زايد الازد العظيم )
..وربعي على القمة ترف اعلامها

حنا الدواسر ؛ والدواسر يا فهيم
.. قبيلة خير القسوم .. اقسامها

ديارنا مزبن غريم ٍ من غريم
..قبل المشايخ يصدرون اختامها

عصاتنا كنها عصا موسى الكليم
وانشد عصات الجار من وسامها

من فرعة الوادي الى دوحة تميم
.. قصيدتي مسك الختام.. ختامها


سعد محسن المساعرة