Скачать или смотреть TAFAREG Iftar 2024 : Children Qiraath Competition

சவூதி அரேபியா தஃபர்ரஜ் (தமிழ் நுண்கலை மனமகிழ் மன்றம்) சார்பில் இஃப்தார் என்னும் நோன்பு திறக்கும் நிகழ்ச்சி ரியாத்தில் வெகு சிறப்பாக நடைபெற்றது

ரியாத்தில் சவூதி அரேபியா தஃபர்ரஜ் சார்பில் இஃப்தார் என்னும் நோன்பு திறப்பு நிகழ்ச்சி மார்ச் 28ம் தேதி ரியாத்தில் உள்ள ஒரு இஸ்திராஹாவில் வெகு சிறப்பாக நடைபெற்றது. இதில் பல தமிழ் சகோதரர்கள் குடும்பத்துடன் கலந்து கொண்டனர்.

நிகழ்ச்சியை தஃபர்ரஜ் தலைவர் திரு. அஹமது இம்தியாஸ் வாழ்த்துரை வழங்கி தொடங்க, தஃபர்ரஜ் துணைத்தலைவர் திரு. ஹைதர் அவர்கள் தஃபர்ரஜ் அமைப்பு 20ஆண்டுகளாக எங்ஙனம் பங்காற்றி வருகிறது என்று கருத்துரை வழங்கினார்.
மேலும் தஃபர்ரஜ் அமைப்பின் செயலாளர் திரு. ஷாஜஹான் மற்றும் நிகழ்ச்சி ஒருங்கிணைப்பாளர் திரு. ஆரிப் அப்துல் சலாம் சிறுவர் சிறுமிகளுக்கான குர்ஆன் மனனப்போட்டி, ஹதீஸ் போட்டி, இஸ்லாமிய கேள்வி பதில் போட்டியை தொடங்கி வைக்க, 100க்கும் மேற்பட்ட சிறுவர் சிறுமிகள் இதில் ஆர்வமாய் பங்கேற்றனர்.
போட்டியில் வெற்றி பெற்றவர்களுக்கு பல்வேறு தமிழ் அமைப்பிலிருந்து வந்திருந்த தலைவர்கள், பொறுப்பில் உள்ளோர் சான்றிதழ்களும், பதக்கங்களும் வழங்கி சிறப்பித்தனர்.

நிகழ்ச்சியின் சிறப்பு விருந்தினராக ஜித்தாவிலிருந்து வந்திருந்த காரி. இம்ரான் கான் அவர்கள் "அதான், குர்ஆன் கிராஅத் ஓதுதல்” குறித்த செயல் விளக்கம் அளித்தார்.

மேலும் தமிழ் இஸ்லாமிய மார்க்க அறிஞர்கள் மௌலவி நூஹ் அல்தாஃபி, மௌலவி முஹம்மது, மௌலவி சாஜித், மௌலவி ஹாமித் பக்ரி, மௌலவி அபுல் ஹசன் ரமலான் மாதத்தின் சிறப்புகள் குறித்தும் தாஃவா களத்தில் ஒவ்வொருவரும் பங்கெடுக்க முயற்சி எடுக்க வேண்டும் என்று வலியுறுத்தினார்கள்.

இரவு தராவீஹ் தொழுகை , இரவு விருந்து, தொடர் பயான் மற்றும் நிறைவாக இணைசெயலர் பஃருதீன் நன்றி நவில இரவு சஹர் உணவு விருந்து உபசரித்தலோடு நிகழ்ச்சி நிறைவு பெற்றது