Скачать или смотреть 許冠文同金燕玲夫妻戲令人動容 預告下套戲想挑戰變態殺人犯

許冠文同金燕玲夫妻戲令人動容 預告下套戲想挑戰變態殺人犯

翁子光 執導嘅賀歲片《金多寶》雖然因為戲院排片少引起話題，但電影憑藉好口碑突破千萬票房，連日來演員都分頭謝票，呢日除咗戲中兩嫲孫 金燕玲 同 鍾雪瑩 外，客串演爺爺嘅 許冠文 都加入謝票行列，Michael之所以咁支持套戲，原來係因為劇本深得佢心，佢話自己一直都想拍一套講親情同老人癡呆題材嘅電影，結果翁子光搶先一步，仲大讚電影劇本完全中晒佢嘅心。

Michael同Elaine今次飾演夫妻，雖然得兩場對手戲，但老夫老妻嘅互動令人動容，原來二人早年曾經合作過電影《煎釀叄寶》，當時飾演情侶，今次終於修成正果當夫妻。Elaine話當中一場喺投注站外嘅重頭戲，因為受Michael嘅情緒感染，自己都演到真情流露，仲話自己終於等到機會可以親自答謝Michael。

Michael除咗客串，喺劇本上都俾咗唔少意見導演，因為知道翁子光係第一次拍喜劇，所以幫佢睇過劇本，仲用咗兩日時間幫手度橋。Michael話希望下次有機會再同翁子光合作，至於角色方面，佢就話想挑戰做一個變態殺人犯。

#金多寶 #許冠文 #金燕玲 #鍾雪瑩 #李尚正 #翁子光 #老人癡呆 #親情無價 #老夫老妻 #煎釀叄寶 #真情流露 #變態殺人犯#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0