Скачать или смотреть रामरक्षा प्रवचन-२६ | सहस्रमुख-शेष, अध्यात्म, शरीरशास्त्र आणि भक्तीचे अतूट नाते | Aniruddha Bapu

रामरक्षा-कवचातील ‘मुखं सौमित्रिवत्सल:’ ओळीचे विविध पैलू आपल्यासमोर उलगडताना, ‘जीभ’ ह्या मुखातील महत्त्वाच्या घटकावर विवेचन केल्यावर सद्गुरु अनिरुद्ध बापू आपल्यासमोर ह्या ओळीचा पुढील प्रवास सुरू करत आहेत. दिनांक १९ मे २००५ रोजी केलेल्या रामरक्षेवरील ह्या प्रवचनामध्ये, सद्गुरु बापू ‘मुखं सौमित्रिवत्सल:’ ह्या ओळीतील ‘मुख’ शब्दाच्या अजून एका महत्त्वाच्या पैलूवर बोलत आहेत.

अध्यात्मामध्ये मुखाशी संबंधित शब्द आम्ही ऐकतो - ‘सहस्रमुख’, ‘अनंतमुख’. हा शब्द सामान्यत: शेषनागाच्या संदर्भात वापरला जातो - ‘अनंत मुखांचा शेष’! हा शेष आपल्या अनंत मुखांनी सतत ‘विष्णुसहस्रनाम गात असतो. ही गोष्ट आमच्या शरीराशी कशी संबंधित आहे हे सांगताना सद्गुरु बापू इथे हे रहस्य उलगडून दाखवतात की ह्या अनंत मुखांसारखीच एक महत्त्वाची विशेष रचना भगवंताने आमच्या शरीरातही कशी करून ठेवलेली आहे. ही रचना कुठली आणि कशी कार्य करते? तसेच, हा ‘सौमित्र’ लक्ष्मण म्हणजे ‘तेन त्यक्तेन भुञ्जीथा:’ तत्त्वाचे जिवंत उदाहरण! आमच्या शरीरातील ही विशेष रचना ह्या तत्त्वानुसारच कशी कार्य करते, हे सद्गुरु अनिरुद्ध इथे आम्हाला समजावून सांगतात व हे सांगतानाच ते हेदेखील आवर्जून सांगतात की बुधकौशिक ऋषी हा महान ऋषी तर आहेच, पण तो अतिशय श्रेष्ठ असा शरीरशास्त्रज्ञही (Anatomist) कसा आहे.

हे अभ्यासल्यानंतर ह्या ‘मुखं सौमित्रिवत्सल:’ ओळीचा आवाका हळूहळू आमच्या लक्षात येऊ लागेल आणि - ‘हे सौमित्रिवत्सल रामा, तू आमच्या मुखाचे रक्षण कर’ ही प्रार्थना अखिल ब्रह्मांडाला गवसणी घालण्याइतकी महान कशी आहे ह्याचा अंदाज येऊ लागेल, असे सद्गुरु बापू पुढे सांगतात. ही प्रार्थना आमच्यासाठी महत्त्वाची का आहे, तर ती आम्हाला संकटात ढकलणार्‍या कुठल्याही अनुचिततेपासून आमचे रक्षण करते म्हणून; मात्र त्यासाठी मर्यादायुक्त भक्तीचे पालनच कसे आवश्यक आहे, हे ते विविध उदाहरणांसहित समजावून सांगतात. पुढे ते ह्या अनुषंगाने हे रहस्यदेखील उकलून सांगतात की अध्यात्म म्हणजे नक्की काय आहे.

‘मुखं सौमित्रिवत्सल:’चा सुंदर प्रवास पुढील भागातही असाच चालू राहणार आहे.

#AniruddhaBapu #ramraksha #Vishnusahasranama
©℗
----------------------------------
Join the WhatsApp Channel - https://whatsapp.com/channel/0029Vb9c...

For more information about Sadguru Shree Aniruddha (Bapu) -
Aniruddha Devotion Sentience site - https://aniruddha-devotionsentience.com/
Samirsinh Dattopadhye blog - https://sadguruaniruddhabapu.com
Watch live events - https://www.aniruddha.tv

Know more about the Devotional Services carried out under the guidance of Sadguru Shree Aniruddha (Bapu) -
http://www.aniruddhasadm.com
https://aniruddha-aadeshpathak.com

----------------------------------