ආරොන් මාමා | Aron Mama (Lyrics) Freddie Silva

ගායනය :ෆ්‍රෙඩී සිල්වා
සංගීතය: වික්ටර් ‍රත්නායක
ප්‍රේම කීර්ති ද අල්විස්

ආරොන් මාමා........
අරොන් මාමා වයසක මිනිහෙකි
ඉපදුණු අප ගම්මානේ
මිනිහගෙ ජොබ් එක කේලම් කීමයි
තැන තැන කඩපිල් ගානේ
නිතරම හීනෙන් බයවෙලා වාගෙයි
ලේ කඳුලක් නෑ මූණේ
දවසක්දා කළ වැඩක් කියන්නම්
අහගෙන ඉන්නම ඕනේ
ආරොන් මාමා........

රටේ තොටේ වග තොරතුරු හොය හොය
දවසක් ගම වට ඇදුණා
සාතන් අප්පුගෙ ගේ ළඟදී
පොඩි කලබලයක හඬ ඇසුණා....
මිනිහා දඩි බිඩි ගාලා
බිත්තිය අයිනට දුව පැන්නා
ජර මර සද්දෙට-කන දීගෙන උන්නා
ආරොන් මාමා.........

ගහපිය මරපිය ඔළුවට කොටපිය
පාලි සංස්කෘතත් කිව්වා
සාතන් අප්පුගෙ කොළුවා දුව පැන
යකඩ පොල්ලකුත් හෙවුවා
නිසි සැකයක් දැන් නැහැනේ
මිනිහෙක් මැරුවා වාගෙයි නේ
මුළු ගමටම අඬ බෙර ගහමින් දිව්වා
ආරොන් මාමා........

සාතන් අප්පූ මිනිහෙක් මැරුවා
-ආරොන් ජොලාට කිව්වා
ජොලා-ජෙමාලට-ජෙමාල-ජොසීට
-ජොසීල-ඇගීටකිව්වා
ගමම කුලප්පුව දිව්වා-සාතන්
අප්පුව සැම සෙවුවා
කඩු පොළු අරගෙන-ගෙය වැටලෙව්වා
ආරොන් මාමා........

කාවද මැරුවේ කියපිය
කියලා-සාතව අල්ලල ඇහුවා
මිනිහා හිනැහී මරාපු පොළගෙක්
ගෙයි මැද සාලෙන් තිබ්බා
ඔළුවට ගැහුවේ මූගේ-මූ හිටියේ ඇඳ යට මාගේ
ගැහි ගැහි කුකුළෙක් වාගේ
ආරොන් පැනලා දිව්වා

අරොන් මාමා වයසක මිනිහෙකි
ඉපදුණු අප ගම්මානේ
මිනිහගෙ ජොබ් එක කේලම් කීමයි
තැන තැන කඩපිල් ගානේ
නිතරම හීනෙන් බයවෙලා වාගෙයි
ලේ කඳුලක් නෑ මූණේ
දවසක්දා කළ වැඩක් කියන්නම්
අහගෙන ඉන්නම ඕනේ

ආරොන් මාමා........