Скачать или смотреть Sherr mes nxënësve në shkollën 9-vjeçare në Durrës, një i lënduar

Një incident i rëndë ka ndodhur mëngjesin e kësaj të premteje në një shkollë në Durrës, ku një grup nxënësish janë konfliktuar fizikisht me njëri-tjetrin.

Gazetarja e Klan News Enkeleda Arapi bën me dije se ngjarja ka ndodhur në shkollën 9-vjeçare 'Shën Vlash' Durrës.

Fillimisht ka ndërhyrë oficeri i sigurisë së shkollës, ndërsa është njoftuar policia, e cila ndodhet në vendin e ngjarjes për të menaxhuar situatën.

“Rreth orës 09:30, në shkollën e fshatin Shënavlash, janë konfliktuar fizikisht me njëri-tjetrin disa nxënës të moshave 15, 16 dhe 17 vjeç. Me ndërhyrjen e mënjehershme të oficerit të sigurisë dhe stafit pedagogjik, është parandaluar përshkallëzimi i konfliktit. Nga konflikti është dëmtuar lehtë një 15-vjeçar.”, bën me dije Policia.

Uniformat blu i kanë shoqëruar të miturit në ambientet e Komisariatit të Policisë, për veprime të mëtejshme.

Të gjitha veprimet po kryhen në drejtimin e Prokurorisë, në prani të psikologut, përfaqësuesit ligjor, oficerit të sigurisë, përfaqësuesit të stafit pedagogjik dhe prindërve të nxënësve.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan