Скачать или смотреть ជីវិត និង ការរស់នៅរបស់សត្វកែះ

វត្តមានសត្វកែះ ត្រូវបានគេរកឃើញ នៅក្នុងតំបន់ការពារធម្មជាតិ និងកម្ពុជាតាមរយៈការដាក់ម៉ាស៊ីនថតស្វ័យប្រវត្តិ ស្ថិតក្នុងក្របខណ្ឌ នៃការសិក្សាចងក្រងទិន្នន័យប្រភេទសត្វកម្រៗនៅកម្ពុជា។
សត្វកែះ ជាប្រភេទសត្វមានដោយកម្រ ត្រូវបានចុះក្នុងបញ្ជីក្រហម IUCN ជាប្រភេទសត្វងាយរងគ្រោះថ្នាក់ជាសកល និងជាសត្វស្ថិតក្នុងឧបសម្ព័ន្ធទី១ របស់អនុសញ្ញាសាយតេស។
ចំពោះសត្វកែះ គេមិនទាន់មានទិន្នន័យពិតប្រាកដថា មានប៉ុន្មានក្បាលដែលរស់នៅក្នុងប្រទេសកម្ពុជាទេ តែប្រភេទសត្វនេះ គឺមានដង់ស៊ីតេរស់នៅកម្រិតទាបបំផុត ដោយសារតែជាសត្វកម្រ។ បច្ចុប្បន្នសត្វកែះនេះ កំពុងប្រឈមមុខនឹងការបាត់បង់ពូជដោយសារការបរបាញ់ ការដាក់អន្ទាក់ និងការបាត់បង់ទីជម្រក។ អ្វីដែលធ្វើឱ្យសត្វកែះរងគ្រោះខ្លាំងដោយសារតែការប្រមាញ់ ដើម្បីយកសាច់ ស្នែង ឆ្អឹងក្នុងការជួញដូរ ដោយសារតែជំនឿ។