شيلة زواج : مفرح مثيب الدلبحي كلمات الشاعر : فهد طلال الدلبحي اداء : مهنا العتيبي

الا يالله المعبود يالواحد القهار
تعز الوطن والدين في ضل قادتنا
كثر مانشوف من البلا نايد الاقطار
نقول الله يخلي ويحفظ حكومتنا
وبعد فاحت الدله حذفت الحطب فالنار
ودقت ثلاث الفجر من عمر ليلتنا
تخاويت انا والليل والبن والمسمار
وتكاشف بروقه والرعد فوق ديرتنا
وهب الهوى من شرق وانهلت الامطار
وتهيا لنا جون يقضي مهمتنا
ابتعب على الجزله وابا اتعب الافكار
وعيبن علي الصده ان جات وقفتنا
انا دلبحي والدلبحي عاد دمه حار
اشوف الطناخه والكرم في قبيلتنا
هل المجد والتاريخ مع طيب الاذكار
ولاهي حديثه توها من بدايتنا
ومن خلقت الدنيا حرارن عيال احرار
نعيش الحياه بعزنا عن مهونتنا
ولهل الوفاء والطيب م اقلل المقدار
وتقليل قدر الناس ماهوب عادتنا
بدى لازمن ماعني وعنه مهما صار
وموقف ولد عمٍ من اطيب جماعتنا
ابارك واشارك فيه واحيي الحضار
عسى الله يجملنا ونكسب جمالتنا
هلا مرحبا وعداد ماشعشع النوار
هلا مرحبا باللي تعنى لحفلتنا
احيي كبارٍ حضرو في محل كبار
وياحي من جونا ولبو لدعوتنا
مفرح عسى ايامك على عز واستقرار
ياراع الكرامه عدنا عند هقوتنا
تعليت فوق النايفه يارفيع الكار
ومثلك ليا منه شهر زاد سمعتنا
من الوقت وصدوف الليالي عساك مجار
ويطلع لنا مثلك يواكب مسيرتنا
عسى العود للجنه وفي رحمة الغفار
ومامات من له مثلكم في بديدتنا
ربيتو تحت رايه وجيتو طوال اشبار
عسى الله يمد اعماركم ياثلاثتنا
الشاعر / فهد بن طلال الدلبحي