Скачать или смотреть រឿងរ៉ាវជីវិត ដ៏ជូរចត់ និង គួរឲ្យចាប់អារម្មណ៍ របស់តារាសម្តែង ទិនហ្វី - Stephen Chow

រឿងរ៉ាវជីវិត ដ៏ជូរចត់ និង គួរឲ្យចាប់អារម្មណ៍ របស់តារាសម្តែង ទិនហ្វី - Stephen Chow

#ទិនហ្វី #stephenchow #ប្រវត្តិតារាសម្តែងទិនហ្វី #រឿងចិន #រឿងកំប្លែង #បណ្ណាល័យអនឡាញន៍

បើនិយាយដល់រឿងកុនបរទេស រឿងចិន ហុងកុង ប្រហែលជាជាប់ចំណាត់ថ្នាក់លេខ១ហើយ សម្រាប់ប្រជាជនខ្មែរ ពិសេសក្នុងចន្លោះរវាងទ.វ ឆ្នាំ ១៩៩០ ដល់ ទ.វ ឆ្នាំ ២០០០។ នៅក្នុងវីដេអូរនេះ យើងនឹងទៅស្វែងយល់ទាំងអស់ អំពីប្រវត្តិជីវិតពិត របស់តារាសម្តែង ចិន ហុងកុង ដែលមានឈ្មោះ បោះសំឡេងម្នាក់ នៅក្នុងស្រុកខ្មែរ ដែលគាត់ម្នាក់នេះ មិនគ្រាន់តែល្បី ត្រឹមការសំដែងប៉ុណ្ណោះ តែសំឡេងរបស់គាត់នៅក្នុងរឿង ដែលបញ្ចូលសំឡេងជាភាសាខ្មែរ ក៏ត្រូវបានគេនិយមយកមកធ្វើត្រាប់តាម ដើម្បីជាការកំសាន្តផងដែរ នោះគឺ ទិនហ្វី រឺ Stephen Chow។
តារាសម្តែង ដែលត្រូវបានទស្សនិកជនខ្មែរ ស្គាល់តាមរយៈរហ័សនាមថា ទិនហ្វី មានឈ្មោះពិតថា Chow Sing Chi។ លោក Chow Sing Chi កើតនៅថ្ងៃទី ២២ ខែ មិថុនា ឆ្នាំ ១៩៦២ មានកំពស់ ១.៧៤ ម បច្ចុប្បន្ន មានអាយុ ៦៣ ឆ្នាំ បើគិតត្រឹមឆ្នាំ ២០២៥ នេះ។ គ្រួសាររបស់លោក មានដើមកំណើត នៅចិនដីគោក តែក្រោយមកពួកគេបានធ្វើអន្តោរប្រវេសន៍ ទៅកាន់ទឹកដីថ្មី គឺទីក្រុងហុងកុង។ កាលពីកុមារភាព ទិនហ្វី ធ្លាប់រស់នៅក្នុងតំបន់អនាធិបតេយ្យមួយ។ កាលណោះ ពេលដែលលោកទើបតែមានអាយុ ៧ ឆ្នាំ ឪពុកម្តាយ បានចែកផ្លូវគ្នា ដោយលោក ត្រូវតម្រូវអោយរស់នៅជាមួយម្តាយមេម៉ាយ គឺលោកស្រី Lin Bo Yee ជាមួយនឹងប្អូនស្រីបង្កើតរបស់គាត់ម្នាក់ទៀត។ ដោយសារកត្តាជីវភាព ទិនហ្វី ទទួលបានការសិក្សាអប់រំ ត្រឹមកំរិតអនុវិទ្យាល័យប៉ុណ្ណោះ ដោយលោកត្រូវបង្ខំចិត្តឈប់រៀនទាំងនៅវ័យក្មេង ដើម្បីស្វែងរកការងារធ្វើ។ ការចងចាំនូវកុមារភាព ដែលពោរពេញដោយការលំបាក និង ទុក្ខវេទនា ត្រូវបានតារាម្តែងរូបនេះ រំឮកឡើងវិញ នៅក្នុងកម្មវិធីទូរទស្សន៍មួយ។ ម្តាយរបស់គាត់ តែងតែទុកចំណីអាហារ ដែលឆ្ងាញ់ៗបំផុត អោយកូនៗ។ ហើយនៅពេលដែលកូនញាំហើយ ម្តាយរបស់គាត់ ក៏ទៅលួចពិសារចំណីអាហារ ដែលនៅសេសសល់ពីក្រោយពួកគេ ដោយមិនអោយកូនៗ ដឹងឡើយ។ មានគ្រាមួយ ទិនហ្វី បានធ្វើពុតជាជ្រុះភ្លៅមាន់ទៅលើដី ហើយក្រោយមកបានប្រាប់ថា ខ្ពើមណាស់ មិនញាំទេ ព្រោះភ្លៅមាន់នោះ គគ្រេច និង ប្រឡាក់ដី។ លោក ទិនហ្វី បានប្រាប់ថា នោះគឺជាវិធីតែមួយគត់ ដែលលោកអាចទុកភ្លៅមាន់ ដ៏ឈ្ងុយឆ្ អោយអ្នកមានគុណរបស់លោកពិសារ។
មានពេលមួយនោះ លោក ទិនហ្វី បានលួចលុយរបស់ម្តាយគាត់ ចំនួន ៥០ សេន ដើម្បីទិញរបស់លេង។ កាលជំនាន់នោះ លុយ ៥០ សេន គឺច្រើនខ្លាំងណាស់ សម្រាប់គ្រួសារមួយ ដែលមានជីវភាព មិនសូវធូធារ ដ្បិតលុយប៉ុណ្ណេះ វាអាចអោយពួកគេទិញម្ហូបអាហារ ហូបចុក បានរហូតដល់ទៅមួយខែឯណេះ។ កាលណេះ ម្តាយរបស់គាត់ បានព្យាយាមស្វែងរកគ្រប់ទីកន្លែង និង ថែមទាំំងបានវាយគាត់អោយសារភាពទៀតផង។ តែយ៉ាងណាក៏ដោយ ទិនហ្វី បានព្យាយាមបដិសេធមិនសារភាព និង ទទួលស្គាល់កំហុសនោះទេ។ ទីបំផុត ម្តាយរបស់គាត់ ក៏គិតថា លុយនោះ គឺពិតជាបាត់មែន មិនមែន ទិនហ្វី ជាអ្នកលួចនោះទេ។ ពេលនេះដែរ ទិនហ្វី បានឃើញម្តាយរបស់គាត់ អង្គុយក្នុងបន្ទប់ងងឹតម្នាក់ឯង។ ចំណែកលោកឯណេះវិញ ក៏បន្ទោសខ្លួនឯងខ្លាំងណាស់ដែរ ប៉ុន្តែក៏មិនហ៊ានបង្ហាញលុយចេញមកទេ ព្រោះតែខ្លាចម្តាយវាយ។
បើទោះបីជារឿងនេះ វាបានកន្លងហួសទៅជាយូរយាណាស់មកហើយក៏ដោយ តែរាល់ពេលដែលលោកនឹកឃើញម្តងៗ វាពិតជាធ្វើអោយលោកឈឺចាប់ខ្លាំងណាស់។ ទ្វិហ្វី តែងតែសួរខ្លួនឯងជានិច្ចថា ហេតុអ្វីបានជាខ្លួនឯង ហ៊ានធ្វើរឿងដែលធ្វើអោយម្តាយឈឺចាប់ដល់ថ្នាក់នេះ? គួរបញ្ជាក់ថា លុយ ដែល ទិនហ្វី បានលួចនោះ ទិនហ្វី បានយកទៅទិញរបស់លេង តែគាត់មិនដែលបានយករបស់នោះ ចូលទៅក្នុងផ្ទះនោះទេ ដោយគាត់បានផ្ញើរបស់នោះ ទុកនៅនឹងផ្ទះមិត្ត ភ័គ្គរបស់គាត់ជានិច្ច...

++++++++++++++++++++++++++++++++++++++++
សេចក្តីបញ្ជាក់៖ រាល់រូបភាព ក៏ដូចជាឯកសារដែលបានស្រាវជ្រាវដើម្បីចងក្រងផលិតជាវីដេអូនេះឡើង គឺខ្ញុំបានដកស្រង់ចេញពីអ៊ីនធឺណិតមកទាំងអស់។ ម្យ៉ាងទៀត ខ្ញុំក៏មិនមែនជាអ្នកជំនាញអ្វីដែរ ខ្ញុំគ្រាន់តែស្រលាញ់ការសិក្សាស្រាវជ្រាវ និងចង់ចងក្រងនូវអ្វីដែលខ្ញុំបានដឹង ដើម្បីចែករំលែកនៅលើ Channel Youtube ដែលមានឈ្មោះថា “បណ្ណាល័យ អនឡាញន៍” របស់ខ្ញុំនេះ ប្រយោជន៏ដើម្បីជាការកំសាន្តផង ដើម្បីជាការរៀនសូត្រខ្លួនឯងផង និង អាចផ្តល់នូវចំណេះដឹងទូទៅដល់សាធារណៈជនផងតែប៉ុណ្ណោះ។ រាល់កំហុសខុសឆ្គងដោយអចេតនាណាមួយ ក៏សូមខន្តីអភ័យទោស ហើយខ្ញុំរីករាយទទួលយកនូវមតិរិះគន់ដើម្បីស្ថាបនាជានិច្ច។ សូមអរគុណ...
សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់ យើងខ្ញុំទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិម្នាក់ៗ។ សូមអ្នកទាំងអស់គ្នា ធ្វើការបញ្ចេញមតិ ប្រកបដោយការទទួលខុសត្រូវខ្ពស់ មានសីលធម៌ ក្នុងន័យស្ថាបនា ហើយចៀសវាង ការបញ្ចេញមតិទាំងឡាយណាដែលមិនពិត ជេរប្រមាថ និង អុជអាល ដែលនាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬ បុគ្គលណាម្នាក់ជាដើម...
++++++++++++++++++++++++++++++++++++++++
#រឿងរ៉ាវប្លែកៗ #បណ្ណាល័យអនឡាញន៍ #សុខភាពនិងអនាម័យ #មនុស្សល្បី #ជំនួញ #នយោបាយ #ប្រវត្តិសាស្ត្រ #សង្គម #វប្បធម៌ #ភូមិសាស្ត្រនយោបាយ #អាថ៌កំបាំង #ព័ត៌មាន #ដំណឹង #កំសាន្ត #សិល្បៈ #អក្សរសាស្ត្រ #ខ្មែរ #កម្ពុជា #shareknowledge #king #cambodia #last #emperor #lastemperor #lastcentury #change #thailand #world #2024 #ឥទ្ធិពល #អត្ថប្រយោជន៍ #Howto #traditional #india #ពិភពលោក #ប្លែកៗ #ពីនេះពីនោះ #turkey #interesting #aroundworld #tour #reserch #ស្វែងយល់ #ស្តីពី #ប្រវត្តិ #generalknowledge #ចំណេះដឹងទូទៅ #sharing #នាំឲ្យស្គាល់ #ប្រពៃណី #វប្បធម៌ #ចែករំលែក #ថ្មីៗ #News #ខ្មែរ #កម្ពុជា #khmer