ماجد خضير - المساعيد (حصرياً) | 2023

إشترك في قناة الفنان ماجد خضير للأعمال الخاصه للحصول على أحدث أصداراتة الفنية

ماجد خضير - المساعيد (حصرياً) | 2023
‏Majed Khudair - Almasaeid (Exclusive) | 2023

كلمات : مبارك غازي النفيعي
اداء : ماجد خضير
تصميم : ‪@ZiyadAlotaibil‬

-

الكلمات

فوق روس الشامخات ومحازات القصيد
المثايل كنها شرّد الصيد الجَفلْ
اسرع من البرق لاوحت لها سبّر وقعيد
لين خلتهم على الدرب و الجره سملْ
مير انا بحبال فكري اشبكها واصيد
فكره انقضها وفكره ابفتلها فتلْ
بين صعبات القوافي وفي بحر المديد
سقتها قدام واللي بغيته لي حَصلْ
الفرايد صغتها فاهل المجد التليد
في بني عمي حميّا ومن باب الوصل
مايكيف راسي الا مصامخة العنيد
طبعي اللي ماتغير وانا توي طفلْ
راسي اصوك من مساعيدٍ تفل الحديد
انفعه في نجد والا الحجاز الهم ثقلْ
في نهار الكون تفرح وكنه يوم عيد
من دجرها القوم فعيونها مثل النملْ
الولد فيهم مع القوم يسوا له عقيد
وشيخهم ماكنه الا بعد شيخ الشملْ
يلطمون العايل ان عال ويعود طريد
ويذبحون الحيل لضيّف زَوّار الحِللْ
ودون مِقْرعْة التوادي لهم باسٍ شديد
خيلهم لاناحرت تجعل الطيب خبلْ
وين ماطاح الحيا واشتبك ربل وهضيد
ذودنا بوسومها ترتع وترعى هملْ
العزاوي والوسوم المعاندنا بريد
مايجيها عمد ويموت ماجاها ختلْ
خيّال الشرفاء ليا سمعها طاغي مريد
راغ عقله ماتشيله يدين ولا رجلْ
والوسوم ان شافها ذَبْ له ريعٍ بعيد
فالرّقاب وفالعضود الحَلقّ يحما الزملْ
ان لبسنا الدرع نلعب بسيفٍ مايبيد
سلته منها الجماجم على البيدا نطلْ
وان لبسنا الجوخ نلعب على حلو النشيد
نحكمه ونصخره عن متاهات الزللْ
وفي ذرا حكامنا اليوم والعيش الرغيد
القبايل كلها للامن ضد الجهلْ
اهل العوجا هل الحزم والراي السديد
قادة الاسلام بالعلم وسلوب العملْ
الولاء منا لهم عن ولاهم مانحيد
لين حتى يِنْفَخ الصور فاليوم الجللْ

لحفظ وحماية حقوقك انضم الى عائلة الفان
‏https://dashboard.alfangroup.com/apply