Скачать или смотреть HITZALDIA | Belen Uranga Arakistain - Harrera linguistikoa. Oinarriak eta erronkak

Euskal Herria, XXI. mendeko immigrazioaren testuinguruan, gizarte anitz eta eleanitza bilakatu da, 170 herrialde baino gehiagotatik etorritako biztanleekin. Hizkuntza- eta kulturaaniztasun handiak aukera eta erronka berriak dakartza: 120 hizkuntza baino gehiago hitz egiten dira, baina horrek, era berean, hiztunen eta hizkuntzen arteko hierarkizazio arriskua dakar, ideologia arrazoi-linguistikoek elikatua. Testuinguru honetan, ezinbestekoa da kulturartekotasunaren ikuspegitik jardutea, euskararen biziberritze-prozesua eta kultura-aniztasunaren aitortza uztartuz. Harrera linguistikoa gizarte gisa bermatzeko, Euskal Herriak bi mailatan jardun behar du: administrazioek harrera integrala bermatuko duten politika publikoak ezarri behar dituzte, eta gizarte zibilak elkargune errealak sortu behar ditu, non interakzioa eta parte-hartzea oinarri izango diren.

Etorkinen integrazio soziolinguistikoa ez da formaltasun hutsa izan behar, baizik eta euskara erabiliz gizartean parte hartzeko aukera berdintsua bermatuko duen ekintza kolektiboa. Azken urteotako ikerketek erakusten dute ez dela nahikoa euskara gutxituaren inguruko informazioa eskaintzea, nahiz eta hori ezinbestekoa eta hobetu beharrekoa izan. Gakoa da euskaraz hitz egiteko egiten den ahaleginak gizartearen aldetik baliozkoa dela benetan demostratu behar dela. Eta hori ez da mezu hutsa: gizarte osoak erakutsi behar du euskaraz ere eraikitzen den komunitatea nahi eta behar duela. Euskararen aldeko hautua —praktikoa zein afektiboa— gizarte osoaren proiektu kolektibo gisa ulertu behar da, eta bertako nahiz etorkinentzako gizarte bidezkoago eta parte-hartzaileago bat eraikitzeko oinarri sendoa bihurtu.

www.kontseilua.eus