Скачать или смотреть දුක උපදින තැන සහ එය නසන තැන | හසලක සීලවිමල හිමි

#hasalaka_seelavimala_thero #meditation #ධර්මදේශනා #හසලක_සීලවිමල_හිමි #mindfulness #srilanka #බණ #භාවනාව #bana

🟥 චතුරාර්ය සත්‍යය යනු අපගේම සිත තුළ සිදුවන සම්පූර්ණ ක්‍රියාවලිය විස්තර කිරීමකි.

⬜️ දුක්ඛ සත්‍යය (පළමු සත්‍යය):

මෙය "ලෝකයේ දුකක් ඇත" යන්න පමණක් නොවේ. එය අපගේ සිතේ ඇතිවන නිරන්තර අසහනය, පීඩනය සහ නොසන්සිඳෙන ස්වභාවයයි. දුක යනු සිතේ අත්දැකීමකි.

⬜️ සමුදය සත්‍යය (දෙවන සත්‍යය):

මෙම දුකට හේතුව කුමක්ද..? එය බාහිර ලෝකයේ ප්‍රශ්න නොව අපගේම සිත තුළ හටගන්නා "තණ්හාව" හෙවත් දැඩි ඇලීම සහ ගැටීමයි.

⬜️ • නිරෝධ සත්‍යය (තුන්වන සත්‍යය):

දුක නැති කිරීම යනු කුමක්ද..? එය එම සිත, තණ්හාවෙන්, ඇලීමෙන් සහ ගැටීමෙන් සම්පූර්ණයෙන්ම නිදහස් වූ පිරිසිදු වූ උතුම් තත්වයයි (නිර්වාණයයි).

⬜️ • මාර්ග සත්‍යය (හතරවන සත්‍යය):

එම නිදහස් තත්වයට පත්වන්නේ කෙසේද..? ඒ සඳහා අපගේ සිතම පුහුණු කරන (සීල, සමාධි, ප්‍රඥා වඩන) "ආර්ය අෂ්ඨාංගික මාර්ගය" අනුගමනය කිරීමෙනි.

🟥 කෙටියෙන්ම කිවහොත්:

චතුරාර්ය සත්‍යය යනු 'පිටත' ලෝකය ගැන නොව, 'ඇතුළත' ලෝකය වන සිත ගැනමය. දුක උපදින්නේද සිතේය. දුකට හේතුව උපදින්නේද සිතේය. දුක නැතිවීම (නිවන) සාක්ෂාත් කරගන්නේද සිතින්මය. එම මඟ වැඩිය යුතුදේ සිත තුළමය.

ඔබ සැමට තෙරුවන් සරණයි..!