Скачать или смотреть Bòsu Giudicài - Marcello Ledda - Cantzoni a curba

Una canzone scritta da Marcello Ledda qualche anno fa ed eseguita dallo stesso autore con voce e chitarra . Segue testo ...

Bòsu giudicài

E imòi chi m’aprèstu a deppi’ cantai
O pòpulu ascùrta cun attentziòni
Sonu sa ghitarra po m’acumpangiài
Bosus giudicài a perfezioni
Ca de sa cantzoni ndi conosciu is curbas
E de is artis furbas mi fatzu nemigu
Ca no ‘nc’est amigu chi podit cumpèti
E nimmancu in setti mi point aguantài

Mi point aguantai gey est sa beridadi
Poìta ca connòsciu cudda camminèra
E si ant’ascurtai cun severidadi
Sorris no ‘nd’incòsciu po sa carriera
Ca sa cosa vera bolit apretzàda
Sa boxi intonada tengu de pippìu
De bisàiu miu notu sonadori
Arti e valori po ereditai

Po ereditai s’arti de su sonu
Poita no s’agatat mancu in su mercàu
Gey mi dd’anti nau ca tengu su donu
Ma y cussu no bastat po essi’ nomenàu
Su mundu at pigàu una piega brutta
Genti farabutta teneus cumandèndi
Burricus cantèndi a d’onnia momentu
Est unu turmèntu a ddus’ascurtài

A ddus’ascurtài nci bolit coraggiu
Ca s’origa ancora tenit dignidàdi
Ddus’emm’a donài una balla ‘e fròragiu
Po nci ddus bogai sen’e piedadi
Ca molas ncind’adi po podi girai
Musich’e sonai tott’a bimbambò
Si nanta de no’ m’incàtzu che mulu
E ddis segu su culu po iscramentài

Po iscramentài esiliaus boliant
O sa lingua intera beni iscardancàda
Aici chi su soli mi ddus assubentat
Acqua non lingiant mancu giai pisciàda
Ca sa stornellada deu sigu a cantai
Giai ca su dinài no passat accanta
Si a Sardegna canta presentat Marongiu
Is bentus de attongiu ndi dd’ant a pigài

Ndi dd’ant a pigài mancài a carrùcciu
Cun s’amigu Gianni setziu a carrettòni
Su forru ‘e is mattònis est in bi’e Quartucciu
Ma po scabulài bandaus a Tasòni
Giai chi su presòni est cosa riservàda
Po una retzàda de bòcci pillònis
Ncind’ad’a muntònis genti improvvisàda
Chi po una cagàda pigant dinài

Pigant dinài po iscumparzìri
Su xèntu po xèntu po cummessiòni
Ma sa tradizioni finu a s’altra diri
Fiat sa beridadi una missiòni
E ‘nci bolit callònis po deppi’ cantài
Ca po ascurtài genti ncind’est puru
Ma no m’ind’incùru no mi enit s’affannu
E in su stampu mannu gey nci’ant’a torrài !!!!!!