ماضينا - محمد الماسي (2024 ) | حصرياً

ماضينا

كلمات الشاعرة : عذبة

الحان وغناء : محمد الماسي

حبايبنا سلامتها مشاعركم
ــــــ عسى ماشرّ تغيّر ودّكم فينا

اذا من ودّنا طابت خواطركم
ــــــ عسى الأيام ما تمحيه ماضينا

زمانٍ كان فيه الشّوق عادتكم
ــــــ وتسهر م الوزا اعيون المحبّينا

تقرّبتوا يَ لين اتشابكت معْكم
ــــــ شرايين الفواد السّالي اسنينا

محبّتنا تشابهها محبّتكم
ــــــ ولانقّص غلانا من عذل فينا

حشمنا قدركم وامست مراتعكم
ــــــ شمال الروح مرّه.. ومرّه ايمينا

نعادي مِن من الغيره يحاربكم
ــــــ وندفع عنّكم هرج المعادينا

وانتوا في البعِد سقتوا ركايبكم
ــــــ تغلّيتوا وفرّحتوا الحسودينا

سنين الوصل تشفع للخطا منكم
ــــــ نمدّ الطّيب راضين وموفّينا

عسى في بعدنا اتنالون خيرتكم
ــــــ و نلقى عقبكم م الناس غالينا


#عذبـة