Tv Klan - Mbyllja e Tik Tok për një vit në Shqipëri, Reuters sjell zëra pro e kundër vendimit

“Brenda TikTok-ut të Kinës nuk sheh huliganizëm, perversitet, dhunë, bullizëm, krim, thika rrezole, ndërsa në TikTok jashtë Kinës vetëm llum dhe të poshtër. Pse na duhet kjo?"

Kjo deklaratë e kryeministrit Rama në dhjetor të vitit të kaluar për të mbyllur platformën e TiKTok-ut në Shqipëri ka risjellë sërish këtë çështje në vëmendje të mediave ndërkombëtare.

Agjencia e lajmeve “Reuters”i ka kushtuar një reportazh të gjatë këtij vendimi, duke sjellë opinione të ndryshme të qytetarëve.

Një pjesë e tyre e shohin këtë masë të kryeminstrit Rama si një mundësi për të shmangur sadopak fenomenin e dhunës të promovuar nga ky aplikacion, krysisht në gjirin e të rinjve.

Ka nga ata që thonëse masa e vendosur nga qeveria shqiptare penalizon një pjesë të bizneseve që aktivitetin e tyre e ushtrojnë online përmes këtij aplikacioni, siç është edhe rasti i këtij të riu.

Të tjera biznese që sigurojnë marketingun përmes këtij alikacioni kanë parë që tani të tjera rrugë si alternativë.

Kreu i qeverisë e shpalli ndalimin për një vit të aplikacionit të TikTok-ut më 21 dhjetor pasi një 14-vjeçar u godit me thikë nga një nxënës tjetër, ç’ka shkaktoi edhe protesta lidhur me ngajrjen e rëndë.

Nuk mungojnë as skeptikët singa shoqëria civile ashtu edhe nga radhët e politkës. Madje këta të fundit e shohin si pjesë të goditjes së kryeministrit ndaj kundërshtarëve në opozitë.

Aplikacioni TikTok është ndaluar plotësisht dhe pjesërisht në të paktën 20 vende, mes të cilave Franca, Gjermania e Belgjika për shkak të shqetësimeve lidhur me video të papërshtatshme ose çështje sigurie.

Vetë TikTok pas vendimit për mbylljen e platformës në Shqipëri kërkoi qartësi urgjente nga qeveria shqiptare, duke sqaruar se viktima nuk kishte llogari në këtë aplikacion dhe se raportet e shumta kanë konfirmuar që videot që çuan në vrasjen e 14-vjeçarit në vendin tonë postoheshin në një platformë tjetër dhe jo në TikTok.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/