Скачать или смотреть History of Cambodia 48- សុបិន និង ការពិត ដោយ វ៉ាន់ឌី កាអុន - ភាគ១/៤៣ - ពីទំព័រទី ៣១៧ ដល់ ទំព័រទី ៣២២

សៀវភៅប្រវត្តិសាស្រ្តនេះ រៀបរៀងដោយ លោក វ៉ាន់ឌី កាអុន
អានដោយលោក សាន សុវិទ្យ ក្នុងកម្មវិធី វិទ្យុខ្មែរពិភពលោក (World Khmer Radio)
https://worldkhmerradio.org/
យកមកផ្សព្វផ្សាយបន្តពីកម្មវិធីប្រវត្តិសាស្រ្ត នៃ វិទ្យុខ្មែរពិភពលោក ដោយ
Fans of Vandy Kaonn

វ៉ាន់ឌី កាអុន
សុបិន និង ការពិត
បន្ទាប់ពីរបប "សាធារណរដ្ឋខ្មែរ" ត្រូវខ្មែរក្រហមវាយរំលំ នៅថ្ងៃ ១៧ មេសា ឆ្នាំ ១៩៧៥ ប្រទេសកម្ពុជាបានធ្លាក់នៅក្នុងវិនាសកម្មមួយក៏ក្រៀមក្រំ ។ នៅក្នុងរបប "កម្ពុជាប្រជាធិប្បតេយ្យ" ដឹកនាំដោយ ប៉ុល ពត ហើយដែលមាន ប្រទេសចិនកុម្មុនីស្ត ជាសម្ព័ន្ធមិត្ត ប្រជាជនខ្មែរ ជាងមួយលាននាក់ ត្រូវបានគេសម្លាប់ នៅក្នុងស្ថានភាព គួរឲ្យសង្វេគពន់ពេកក្រៃ ។ នៅដើមឆ្នាំ ១៩៧៩ កងទ័ពវៀតណាម ដែលមានជំនួយពីសហភាពសូវៀត បានចូលមកក្នុងស្រុកខ្មែរ វាយរំលំ របប "កម្ពុជាប្រជាធិប្បតេយ្យ" ។ អធិករណ៍រវាងកុម្មុនីស្តចិន និង កុម្មុនីស្តវៀតណាម តាមរយៈអ្នកដឹកនាំខ្មែរ ចេះតែមានបន្តបន្ទាប់ ។ កិច្ចព្រមព្រៀងសន្តិភាពទីក្រុងប៉ារីស៍ ឆ្នាំ១៩៩១ និង អន្តរាគមន៍ របស់អង្គការសហប្រជាជាតិ នៅឆ្នាំ១៩៩២ បានរៀបចំការបោះឆ្នោតសេរី ដែលបានផ្ដល់ជ័យជំនះ ទៅឲ្យគណបក្សរាជានិយម ដឹកនាំដោយ ព្រះអង្គម្ចាស់ នរោត្ដម រណឫទ្ធិ ។ ប៉ុន្តែរដ្ឋប្រហារ ខែកក្កដា ឆ្នាំ១៩៩៧ បានបើកផ្លូវឲ្យ "បក្សប្រជាជន" កាន់អំណាចបន្តទៀត ។ សុបិន របស់ប្រទេសដែលឌណ្ដើមគ្នាលេបទឹកដីខ្មែរ កំពុងតែក្លាយទៅជាការពិត ។ អ្នកដឹកនាំខ្មែរ ព្រមទាំង ប្រទេសជាប់ពាក់ព័ន្ធ ពុំព្រមអនុវត្តកិច្ចព្រមព្រៀងសន្ដិភាពទីក្រុងប៉ារីស៍ឡើយ ហើយរុញច្រានស្រុកខ្មែរ ឲ្យធ្លាក់ជ្រៅទៅៗ ទៅក្នុង មហន្តរាយមួយដ៏ធំធេង សាជាថ្មីទៀត ។